Leiar for internrevisjon i Norad
Org. nr: 971277882 Stillingsident: 4383027564 Presentasjon av stillingen:
Norad, Direktoratet for utviklingssamarbeid, set pengar i arbeid for å bidra til at verda når berekraftsmåla om å utrydde fattigdom, redusere ulikskap og bremse klimaendringane innan 2030. Norad forvaltar og omskaper i 2021 nær halvparten av det norske bistandsbudsjettet til resultat. I tillegg gir Norad bistands- og forvaltningsfaglege råd til Utanriksdepartementet, utanriksstasjonane og Klima- og miljødepartementet. Norad får årleg tildeling frå Utanriksdepartementet og frå Klima- og miljødepartementet.
Vi har no ei ledig stilling som leiar for internrevisjon hos Norad. Stillinga rapporterer direkte til leiaren i Norad. Vi ser etter deg som har god erfaring med internrevisjonsarbeid, til å etablere, utvikle og drifte internrevisjonsfunksjonen vår.
Som leiar av internrevisjonen i Norad har du både fagleg ansvar for området og ansvar for å leie medarbeidarar innanfor internrevisjonen og i varslingsteamet. Fagområdet er som følgje av omorganisering i endring, og ei viktig oppgåve i stillinga blir å forme, byggje opp og drifte internrevisjonen. Internrevisjonsfunksjonen skal vere objektiv og uavhengig av resten av verksemda og områda som blir reviderte. Du får det faglege ansvaret for at arbeidet følgjer kjende standadrar for internrevisjon. Som leiar av internrevisjonen har du ansvar for å sørgje for at aktivitetar og tiltak innanfor internkontroll, risikostyring og verksemdsstyring er tilfredsstillande. Du får ansvar for å planleggje og gjennomføre internrevisjonar, i tillegg til budsjettansvar for kjøp av eksterne tenester.
Internrevisjonen skal bidra til at Norad når måla sine og tek hand om samfunnsoppdraget. Arbeidet til Norad er mangfaldig, og det store spennet i verkemiddel, oppgåveportefølje og roller krev ein leiar med eit heilskapleg perspektiv, god samhandlingsevne og god evne til koordinering på tvers av verksemda og mellom prosessar.
Ansvar og sentrale arbeidsoppgåver:
- ha personalansvar, leie og vidareutvikle funksjonen og organiseringa av internrevisjonen og varslingsteamet, ha ansvar for fagleg forbetringsarbeid og følgje opp at forbetringstiltak blir gjennomførte som planlagt i verksemda
- utarbeide ein årleg risikobasert revisjonsplan der prioriteringane er i samsvar med måla til Norad
- utarbeide årsrapporten til internrevisjonen
- planleggje og gjennomføre internrevisjonar
- dokumentere og rapportere utført revisjon, og følgje opp tilrådingar frå utførte revisjonar
- gje råd og rettleie innanfor fagområdet internt i Norad
Du må rekne med noko reiseverksemd. Funksjonen er under endring, og det kan komme endringar i stillinga. Du kan bli pålagt andre oppgåver.
Nødvendige kvalifikasjonar:
- relevant utdanning på masternivå - relevant leiarerfaring kombinert med minimum utdanning på bachelornivå - kan også vurderast
- solid kompetanse, erfaring og dokumenterte resultat frå arbeid med revisjon, internrevisjon, verksemdsstyring, IKT, risikostyring og internkontroll, gjerne frå tilsvarande verksemd
- relevant leiarerfaring med dokumentert gode resultat
- god forståing for samspelet mellom politikk og verksemdsstyring
- svært gode formulerings- og formidlingsevner, både skriftleg og munnleg, på norsk og engelsk
Ønskjelege kvalifikasjonar:
- kompetanse om statsforvaltninga, inkludert styringsform og statlege regelverk
- sertifisering som diplomert internrevisor (Dipl. I.R.) eller CIA -- søkjarar som ikkje tilfredsstiller desse krava, må gjennomføre relevant sertifisering
- erfaring med revisjon av IT-system og god teknologisk og digital kompetanse
- erfaring som prosess- og/eller prosjektleiar
Personlege eigenskapar:
- Du skapar framdrift og har høg grad av gjennomføringsevne.
- Du er strukturert, planmessig og analytisk og evnar å prioritere det som er vesentleg.
- Du jobbar sjølvstendig og har samtidig gode samarbeidsevner.
- Du kommuniserer godt og har evne til å skape tillit i verksemda.
- Du er initiativrik, set deg raskt inn i nye oppgåver og har evne til å sjå samanhengar.
- Du har høg fagleg integritet og evnar å gjere uavhengige og objektive vurderingar.
Vi legg stor vekt på at du må vere personleg eigna for stillinga.
Vi tilbyr:
- ei stilling med eit viktig samfunnsoppdrag
- ei synleg og fagleg utviklande rolle med stor påverknadskraft der internrevisjon er høgt prioritert og verdsett
- engasjerte og dyktige medarbeidarar
- fagleg utvikling og moglegheiter for relevante kurs og opplæring
- gode velferdsordningar som mellom anna trening i arbeidstida
- fleksibel arbeidstid
- god pensjonsordning
- tilsetjing i ei IA-verksemd
Vi holder til i hyggelege lokalar i Oslo sentrum
Stillinga er fast og lønt i stillingskode 1059 underdirektør, lønnstrinn 75--86 (kr 708 000--967 400). For godt kvalifiserte søkjarar kan høgare lønn vurderast. Fastsetjing av lønn skjer på bakgrunn av kompetanse og erfaring. Norad er opptatt av mangfald når det gjeld kjønn, alder, funksjonsevne og etnisk og nasjonal bakgrunn, og vi oppfordrar derfor alle kvalifiserte kandidatar til å søkje. Du må leggje elektroniske kopiar av vitnemål og attestar ved søknaden. Søkjarar som blir kalla inn til intervju, blir bedne om å vise fram originaldokumenta.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkjarane oppfylle visse krav. Les meir om krava på Arbeidsgivarportalen. Vi oppfordrar søkjarar til å krysse av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine.
Kontaktinformasjon
Anne Lene Saksum Haagestad,, senior rekrutteringsrådgivar, 90 11 12 85, annelene@cruit.no
Eirik Hansen, seniorrådgivar, 95 20 07 61, eirik.hansen@norad.no
Arbeidssted
Bygdøy allé 2
0257 Oslo
Søk på stillingen:Klikk her
Nøkkelinformasjon:
Arbeidsgiver:Norad
Referansenr.:4383027564
Stillingsprosent: 100%
Fast
Søknadsfrist: 16.05.2021
Om bedriften
Norad, Direktoratet for utviklingssamarbeid, set pengar i arbeid for å bidra til at verda når berekraftsmåla om å utrydde fattigdom, redusere ulikskap og bremse klimaendringane innan 2030. Norad forvaltar og omskaper i 2021 nær halvparten av det norske bistandsbudsjettet til resultat. I tillegg gir Norad bistands- og forvaltningsfaglege råd til Utanriksdepartementet, utanriksstasjonane og Klima- og miljødepartementet. Norad får årleg tildeling frå Utanriksdepartementet og frå Klima- og miljødepartementet