Kontrollingeniør bru
Org. nr: 923722890 Stillingsident: 4197439345 Presentasjon av stillingen:
Det er ledig fast stilling for oppfølging av vedlikehaldskontraktar. Arbeidsstad Leikanger, eventuelt Førde eller Nordfjordeid.
Fylkeskommunen skal sikre og utvikle gode og vekstkraftige
lokalsamfunn og sterke by- og senterområde. Vi skal vidareutvikle gode
regionale tenester til innbyggarane, organisasjonane og næringslivet. Fylket
skal sikre ein framtidsretta infrastruktur. Målet er betre samband internt i
regionen og gode kommunikasjonar mot resten av landet og ut i Europa. Den nye
fylkeskommunen skal bidra til å bygge ein sterkare felles kultur og identitet på
tvers av dagens fylkesgrenser. Samtidig skal vi ta vare på tilknytinga
innbyggarane har til lokalsamfunna sine.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg og ta hand om forvaltningsoppgåvene fylkeskommunen har som vegeigar. Vi skal samordne aktørar med ansvar for trafikksikring i fylket. I tillegg skal vi sørgje for ei heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Seksjonen har ansvar for å drifte og vedlikehalde fylkesvegane og å planleggje og følgje opp entreprenørar og økonomi innan tildelte midlar. Seksjonen har eit beredskapsansvar med vaktordning, der vi vurderer og set i gang tiltak som å stenge vegar, eller rydde opp og opne vegar som er stengde grunna uver, skred eller flaum.
Vi følgjer opp arbeidet til entreprenørar på drift og elektro. På vedlikehald er oppgåvene mellom anna tinging og oppfølging av dekkelegging, bru/kaivedlikehald og tunneloppgradering. Det er eit mål å syte for best mogeleg og trygg framkomst på fylkesvegane. For å få dette til er det viktig med eit godt samspel mellom vedlikehald, drift og beredskap.
Arbeidsoppgåver
- Utføre kontroll av og følge opp kontraktar, for bruer og andre byggverk innan betong og stål, med særskild merksemd på teknisk kvalitet, SHA, mengdekontroll og måloppnåing
- Utarbeide kontrollplanar
- Gjennomgang og kontroll av entreprenøren sin gjennomføring av kontrakten
- Kvalitet- og kostnadskontroll
- Oppfølging av HMS og ytre miljø ute på anlegget
- Kontroll av dokumentasjon og føre resultat inn i vårt kvalitetssystem
Kvalifikasjonskrav
- Du har relevant teknisk utdanning frå fagskule eller høgskule, min. 2 år
- Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet
- Du må ha førarkort klasse B
Ønska kvalifikasjonar
- Det er ein fordel med erfaring innan betong- og/eller stålarbeid
Personlege eigenskapar
- Gode kunnskapar i bruk av IKT-verktøy
- Gode kommunikasjons- og samarbeidsevner
- Sjølvstendig og fleksibel.
Vi tilbyr
- Spanande arbeidsoppgåver og gode vilkår for fagleg utvikling
- Eit sterkt og inkluderande fagmiljø
- Løn etter avtale
- Gode forsikrings- og pensjonsvilkår
- Fleksibel arbeidstid
Anna informasjon
Administrasjonsmålet i fylkeskommunen er nynorsk.
Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR-avdelinga.
Kontaktinformasjon
Ruben André Nordvik, Fagarbeider, 96943099
Jorunn Hillestad Sekse, Leiar, 97425209
Arbeidsstad
Askedalen 4
6863 Leikanger
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4197439345
Stillingsprosent: 100%
Fast
Søknadsfrist: 15.03.2020