Kulturskulerektor - 100 % fast stilling
Org. nr: 963 989 202 Stillingsident: 4297182185 Presentasjon av stillingen:
Stryn kommune har ledig 100 % fast stilling som kulturskulerektor frå 01.01.2021. Stillinga inneber 50 % administrasjon og 50% undervisning. Kulturskulen har eigne lokaler i Stryn kulturhus og tilbyr undervisning innanfor musikkfag, dans, teater og visuell kunst. Skulen har 3,3 årsverk fordelt på 9 tilsette og om lag 130 aktive elevar. Per i dag har kulturskulen behov for instruksjon innan piano, trekkspel, slagverk, band, kor/korps. Nye tilbod skal utviklast saman med den som vert tilsett i rektorstillinga.
Stryn kommune er ei tre-nivåkommune, og rektor for kulturskulen rapporterer til avdelingsleiar kultur. Rektor for kulturskulen inngår som leiar på ytre eining i kulturavdelinga på lik linje med bibliotekleiar og kulturhusleiar. Kulturavdelinga er ansvarlege for arrangement som Kulturnatt og UKM.
Vi søkjer ein rektor som er engasjert og tydeleg i sitt leiarskap, og som har evne til å inspirere og motivere sine medarbeidarar. Vedkomande må ha evne til å arbeide strategisk og langsiktig med utvikling av kulturskulen. Det vert lagt vekt på samarbeids- og gjennomføringsevne, og evne til god økonomistyring.
Arbeidsoppgåver
- Kulturfagleg, pedagogisk, økonomisk og administrativ leiing og utvikling av kulturskulen
- Personalleiing og --ansvar
- Oppretthalde og vidareutvikle eit godt og kreativt arbeids- og læringsmiljø
- Ha ein god dialog med brukarar og samarbeidspartnarar
- Samarbeide med profesjonelle kulturaktørar og frivillige organisasjonar
- Oppfølging av den daglege verksemda i kulturskulen og tiltak/prosjekt som kulturskulen har ansvar for som ressurssenter
- Kommunale arrangement
Noko kvelds- og helgearbeid må påreknast. Andre oppgåver vil kunne verte tillagt stillinga.
Kvalifikasjonar
- Utdanning frå høgskule/universitet innanfor musikk- og kulturfag, og/eller pedagogisk utdanning. Anna relevant utdanning kan vurderast
- Relevant leiarutdanning og leiarerfaring frå offentleg forvaltning eller kulturinstitusjon
- Erfaring frå kulturskule- og kultursektoren
- Erfaring frå arbeid med kunst og kultur, born og unge
- Personlege eigenskapar vil bli vektlagt
Personlege eigenskapar
- Tydeleg og trygg leiar med god gjennomføringsevne
- Gode kommunikasjons- og samarbeidsevner
- Er lojal og strukturert, og samtidig kreativ og kan tenkje nytt
- Vere ein samarbeidsorientert relasjons- og nettverksbyggar med evne til å jobbe sjølvstendig
- Ha stort engasjement og interesse for kulturlivet
- Ha god og tydeleg munnleg og skriftleg framstillingsevne
Vi tilbyr
- Variert og utfordrande arbeid i eit positivt miljø
- God pensjonsordning gjennom KLP
- Hjelpsam med bustad
- Tilsetjing etter gjeldande lover, tariffavtale og reglement
- Løn etter avtale
- Den som vert tilsett må legge fram politiattest av ny dato
Kontaktinformasjon
Ingrid Heieren Sølvberg, Avdelingsleiar kultur , 57874776
Arbeidsstad
Tinggata 18
6783 Stryn
Søk på stillinga:Klikk her
Nøkkelinformasjon:
Arbeidsgivar:Stryn Kommune
Referansenr.:4297182185
Stillingsprosent: 100%
Fast
Søknadsfrist: 25.10.2020
Om bedriften
Stryn kommune med sine om lag 7 200 innbyggjarar er sentralt plassert i ein større bu- og arbeidsregion i Nordfjord / Søre Sunnmøre. Her er omfattande turisme, eit rikt kulturliv og gode oppvekstvilkår for born og unge. Det er eit ekspansivt næringsliv med etterspurnad etter ulik type arbeidskraft. Det er gode kommunikasjonar med Oslo, Bergen, Ålesund og Trondheim. Flyplass er Ørsta - Volda eller Sandane med reisetid ca. 1 time.