Sjukepleiar
Org. nr: - Stillingsident: 4243649667 Presentasjon av stillingen:
Hogatunet bu- og behandlingssenter har ledig to faste stillingar i 100% som sjukepleiar frå snarast. Stillingane har inntil 20 % frie timar.
Hogatunet bu- og behandlingssenter har 52 institusjonsplassar fordelte på fem avdelingar alle med einerom, tilrettelagde baderom og velferdsteknologi. Avdelingane har eigne kjøken og stove.
Stillinga har tredelt turnus og det vert brukt årsarbeidsplan som gir god fleksibilitet i forhold til arbeidstid. Det er høve til inngå avtale om å arbeide fleire helgar i årsplanen mot ekstra kompensasjon. Det kan bli tillagt frie timar i arbeidsplan.
Arbeidsoppgåver
- Ivareta sjukepleiefaglege oppgåver
- Pleie, omsorg og behandling
- Oppfølging og dokumentasjon etter gjeldande krav til kvalitet, lovverk og kommunale retningslinjer
- God organisasjons- og systemforståing
- Rettleie medarbeidarar og studentar
Kvalifikasjonar
- Off. godkjend sjukepleiar
- Gode språkkunnskapar i norsk både munnleg og skriftleg
- Politiattest skal leggjast fram før start i stillinga
Personlege eigenskapar
- Gode kommunikasjons- og samarbeidsevner
- Likar utfordringar og varierte arbeidsoppgåver
- Er fleksibel og tek initiativ
Vi tilbyr
- Godt og nært tverrfagleg samarbeid
- Godt arbeidsmiljø
- Høve til fagleg utvikling
- Løns- og arbeidsvilkår i samsvar med lokalt og sentralt avtaleverk
- Gode pensjons- og forsikringsordningar
Stad kommune har seks månader prøvetid.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Dersom du har spørsmål om stillinga kan du ta kontakt med einingsleiar Heidi Munch Starheim.
Kontaktinformasjon
Heidi Munch Starheim, einingsleiar Hogatunet, 48045210
Arbeidsstad
Skulevegen
6770 Nordfjordeid
Søk på stillinga:Klikk her
Nøkkelinformasjon:
Arbeidsgivar:Stad kommune
Referansenr.:4243649667
Stillingsprosent: 100%
Fast
Søknadsfrist: 16.08.2020
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!