Fast 100% undervisningsstilling i idrettsfag

Bli med å utvikle regionen saman med oss!

Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Verdigrunnlaget vårt er ein lærande organisasjon, kjenneteikna av verdiskapande samarbeid og tillit.

Møre og Romsdal fylkeskommune er opptatt av mangfald, og vi oppfordrar derfor alle som er kvalifiserte til å søke hos oss. Vi tilpassar arbeidsplassen om du har behov for det.

For deg som får tilbod om stilling med arbeidsstad i skole og tannhelsetenesta er det krav om politiattest.

Dersom du ønsker at søknaden din skal bli behandla konfidensielt, gjer vi deg merksam på at opplysningane likevel kan bli gjort offentleg. Du vil då få tilsendt informasjon om dette jf. offentleglova § 25.

Bli med å utvikle regionen saman med oss!

 Om skulen (ulstein.vgs.no)

SKULEBYGG
Skulen ligg i Høddvollområdet, næraste nabo til Høddvoll stadion. Skulen har undervisninga si i skulen sitt bygg og i Ulsteinhallen, som er bygd saman med Ulstein vgs. Idrett og kroppsøving har undervisning i Ulsteinhallen, i Ulsmohallen og på Høddvoll stadion.

KLASSETAL/ELEVTAL
Skulen skal for skuleåret 2024-2025 ha 9 klasser i utdanningsprogrammet Studiespesialisering, 1 klasse Påbygg til generell studiekompetanse, 6 klasser Idrettsfag, 4 klasser Elektrofag, 3 klasser Sal, service og reiseliv, 2 klasser IKT og medieproduksjon og 1 TPO klasse. Dette utgjer om lag 560 elevar.

SKULEDAGEN
Skuledagen er frå kl.08:20 til kl.15:15. Timeplanen vår er slik at vi har færre fag per dag og lengre økter i kvart fag. Enkelte dagar har vi berre eitt fag. Timeplanen vil variere frå veke til veke - dette for å få meir ro i skulekvardagen og få betre tid til fagleg fordjuping.