Overlege psykiatri

Er du psykiater eller snart ferdig med spesialiseringa og ser etter nye utfordringar? Vi har ledig fast stilling for overlege i psykiatri ved Ambulante tenester akutt og ACT Ålesund.
Stillinga er knytt til Akutt heimebehandlingsteam (AHT). Ledig frå snarast/ startdato kan avtalast.

Avdeling for distriktspsykiatrisk senter Sunnmøre er ei av seks avdelingar i Klinikk for psykisk helse og rus. Avdelinga tilbyr desentraliserte tilgjengelege og samanhengande spesialisthelsetenester.

I samarbeid med kommunane på Sunnmøre, som er opptaksområdet for vår avdeling, vil vi arbeide for at menneske med psykiske lidingar skal kunne leve eit mest mogleg normalt liv, prega av deltaking, uavhengigheit og evne til å meistre eige liv. Dette inneber tilgjengelege tenester for befolkninga og stor grad av brukarmedverknad. I avdelinga er det eit tett samarbeid mellom seksjonane, med høve til fagleg utvikling og variert klinisk arbeid for medarbeidarane. Ambulante tenester akutt og ACT Ålesund er delt i to team, eit akutteam og eit ACT team. Begge teama tilbyr utgreiing, diagnostisering og behandling i pasienten sitt heimemiljø.

AHT er ein del av spesialisthelsetenesta sitt akuttpsykiatriske tilbod for vaksne. Teamet er lokalisert på Ålesund sjukehus. AHT er tverrprofesjonelt sett saman av spesialist i psykiatri, psykologspesialist, sjukepleiarar og sosionomar med vidareutdanning, samt ein merkantil ressurs. AHT er eit frivillig behandlingstilbod der heimebehandling kan vere eit alternativ til akuttinnleggelse i psykiatrisk døgnavdeling. Brukarperspektivet står sterkt når ein får behandle pasientar i heimemiljøet. Ettersom psykiske kriser kan oppstå som følge av ein kombinasjon av medisinske, sosiale og miljømessige faktorar, får ein god oversikt over dette når ein behandlar pasienten i heimen. AHT skal vurdere pasienten innan fire timar etter mottatt henvisning. Psykiater vil også ha fagleg ansvar for pasientar på TUD og dom. Vi gir tilbod til pasientar med til dømes psykoselidingar, angst, depresjon, traume- og personlegdomsproblematikk. Pasientane vert søkt inn frå fastlegar, legevakt, kommunale tenester eller overført frå andre seksjonar i klinikken. Vi har ei tverrfagleg tilnærming i behandlinga i samarbeid med pasienten.

Arbeidsoppgåver

• Utgreiing, diagnostisering og behandling av menneske med psykiske lidingar og rusavhengigheit
  
• Samhandling og tverrfagleg samarbeid med kommunale tenester, fastlegar og pårørande
  
• Deltaking i kvalitetsforbetringsarbeid
  
• Deltaking i bakvaktordning
  
• Fagleg ansvar for pasienter på TUD og dom

Kvalifikasjonar

• Overlege i psykiatri med norsk autorisasjon
• LIS3 som nærmar seg ferdig med spesialiseringa kan også søke
• Erfaring frå arbeid innan vaksenpsykiatri, gjerne ambulant, men det er ikkje ein føresetnad
  
• Meistre norsk både skriftleg og munnleg
• Førarkort

Personlege eigenskapar

• Du er nytenkande og endringsorientert
  
• Du har gode kommunikasjonsevner, både med pasientar, pårørande og samarbeidspartnarar
  
• Du har evne til å jobbe både sjølvstendig og i team
  
• Du har ei fleksibel haldning
  
• Du er ein lagspelar
  
• Du har evne til å arbeide på tvers av ulike fagmiljø
  
• Du har evne til å tåle stress og stå i krevande situasjonar
  
• Personleg eignaheit vert vektlagd

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Vi ber om at attestar og vitnemål vert scanna og lasta opp som vedlegg til din CV.

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Åse Helene Gjærde, Seksjonsleiar, +47 70 10 65 33, Ase.Helene.Gjerde@helse-mr.no

Arbeidssted

Åsehaugen 5
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 5020513049
Stillingsprosent: 100%
Fast
Søknadsfrist: 19.10.2025