Er du Nissedal sin nye fysioterapeut?
Vi har ledig vikariat i 80 -- 100 % stilling som kommunefysioterapeut frå 13.02.2023 -- 12.02.2024 med mulighet for forlengelse.
Som fysioterapeut hos oss vil du arbeide med førebyggande helsearbeid, ha ansvar for fysioterapitilbodet ved helsestasjonen og Nissedal omsorgssenter. I tillegg vil du ha arbeidsoppgåver knytt til skulehelsetenesta, friskliv og hjelpemiddel.
Fysioterapeuten har tett samarbeid med Nisser Fysioterapi og fysioterapeut i prosjektstilling, og har lokale i tilknyting til Nissedal legekontor i Treungen saman med kommunelege, turnuslege, jordmor og helsestasjon.
Vi kan tilby deg:
- Varierte og spennande arbeidsoppgåver
- Godt fagmiljø
- Godt arbeidsmiljø
- Tilsetjing og pensjonsordning på kommunale vilkår
- Fleksitid
- Løn etter tariff
Vi søker etter ein person med:
- Norsk autorisasjon som fysioterapeut
- Relevant arbeidserfaring
- Gode samarbeidsevner
- Evne til å arbeide sjølvstendig
- Personleg eignaheit
Søkjaren må kunne disponere eigen bil i tenesta.
Ved tilsetjing blir det stilt krav om politiattest. Me gjer merksam på at namn på søkjarar kan bli offentleggjort i høve til offentleglova §25.
Tilsetjingsvilkår etter gjeldande lov, tariffavtale og kommunen sitt reglement.
Nærare opplysingar om stillingane får du ved å kontakte avdelingsleiar for helse Hild Riseth Fjone tlf. 35048420/ 40480877.
Søknadsfrist: 12.02.2023
Om bedriften
Nissedal kommune dekker eit areal på 908 km² og har omlag 1450 innbyggjarar. Nisser, ein av dei største innsjøane i Telemark, er eit dominerande landskapsmerke med innbydande sandstrender og svaberg omkransa av blankskura, høgreiste fjell. Den fire mil lange og 250 meter djupe innsjøen inneheld reint, klårt drikkevatn. Nissedal har fått namnet sitt frå Nisser, som truleg kjem av gamalnorsk <Nidrsær>, som tyder <Den nedre sjøen>. Langs Nisser finn ein sjeldsynte hellemålingar, gravhaugar og mange andre minne etter gamal busetjing. I skogane og heiområda i Nissedal finn ein heile 1750 større og mindre vatn. Det er eit eldorado for dei badeglade, og på Fjone finn ein kilometerlange sandstrender. Her er også gode vilkår for kanopadling, båtsport og fiske i vatna og elvane. Klimaet er svært bra, og terrenget innbyr til turgåing, sommar som vinter. Næringslivet i kommunen er variert. Viktige næringar er industri og handverk, handel, reiseliv og turisme og hytteutbygging.