Norad søkjer stabsleiar til direktøren sitt kontor
Org. nr: 971277882 Stillingsident: 4383041417 Presentasjon av stillingen:
Vi skal tilsetje ein ny stabsleiar ved direktøren sitt kontor. Stabsleiaren skal kommunisere og samhandle med fleire av dei svært kunnskapsrike leiarane og rådgjevarane våre, og må ha forståing for sosial og organisasjonsmessig dynamikk. Samtidig står stabsleiaren ansvarleg for den operative koordineringa av fleire strategiske prosjekt, og må derfor ha god forståing for samspelet i bistandssektoren som heilskap og dessutan for koordinering og rapportering i ulike ledd.
Stillinga er plassert på underdirektørnivå og rapporterer direkte til direktøren i Norad.
Ansvar og sentrale arbeidsoppgåver
Verksemdsstyring og samarbeid inn mot leiargruppa som heilskap, inkludert mellom anna å
- sørgje for at leiargruppa arbeider i tråd med Norads strategi og i retning berekraftsmåla
- følgje opp enkelte avdelingar og prosjekta deira
- følgje opp strategiske initiativ
- utvikle leiargruppa
Du følgjer opp interne og eksterne strategiske initiativ og prosjekt, for eksempel Grønnere Norad (som fokuserer på CO2-avtrykket vårt), og i dette ligg det mellom anna å
- kommunisere med og følgje opp relevante eksterne og interne partar
- sørgje for riktig og tidsrett rapportering, gjennomføring og leveransar
- følgje opp arbeidet til direktøren internt og eksternt
- ha personalansvar for staben
Erfaring og kvalifikasjonar:
Stillinga inneber høgt arbeidspress og stiller krav til høg leveransekapasitet og svært gode evner til struktur og organisering.
Nødvendige kvalifikasjonar
-
mastergrad innanfor relevante fagkretsar, fortrinnsvis samfunnsvitskaplege fagområde*
-
erfaring med leiing på strategisk nivå, anten som personalleiar eller som fagleiar/prosjektleiar, der du har hatt strategisk ansvar for store prosjekt med mange interessentar, og du må kunne vise til resultat
-
god digital kompetanse på brukarnivå
-
kjennskap til Norad sitt arbeid, og/eller erfaring frå bistandssektoren
-
svært god munnleg og skriftleg formidlings- og framstillingsevne på norsk og engelsk
-
Svært lang og relevant erfaring kan i enkelte tilfelle kompensere for manglande utdanningsnivå.
Ønskjelege kvalifikasjonar
- innsikt i arbeid med utviklingssamarbeid nasjonalt eller internasjonalt, og forståing for Norad sitt arbeid
- erfaring med å strukturere og følgje opp arbeidsprosessar og prosjekt
- erfaring med å forbetre og strukturere arbeidsmetodar, strukturar for samhandling og kunnskapsdeling, og liknande
Personlege eigenskapar:
Denne rolla er strategisk svært viktig for Norad, og derfor legg vi stor vekt på at du er personleg eigna til stillinga. Du bør i stor grad kjenne deg igjen i desse eigenskapane, og også utøve dei i kvardagen din på jobb:
- ha stor arbeidskapasitet med resultatfokus
- ha svært høg grad av oversikt og struktur, både på eigne og andre sine ansvarsområde
- ha gode analytiske eigenskapar med god evne til raske vurderingar og avgjerder
- vere trygg og tydeleg i leiarrolla, med evne til å fremje godt arbeidsmiljø
- ha gode samarbeidseigenskapar og evne til å byggje relasjonar, engasjere og motivere
Vi tilbyr
- ei stilling med eit viktig samfunnsoppdrag
- engasjerte og dyktige medarbeidarar
- fagleg utvikling og moglegheiter for relevante kurs og opplæring
- gode velferdsordningar som mellom anna trening i arbeidstida
- fleksibel arbeidstid
- god pensjonsordning
- tilsetjing i ei IA-verksemd
- hyggjelege lokale sentralt i Oslo sentrum
Stabsleiaren blir lønt i stillingskode 1059 underdirektør, lønnstrinn 75--86 (kr 708 000--967 400). Fastsetjing av lønn skjer på bakgrunn av kompetanse og erfaring. Norad er opptatt av mangfald når det gjeld kjønn, alder, funksjonsevne og etnisk og nasjonal bakgrunn, og vi oppfordrar derfor alle kvalifiserte kandidatar til å søkje.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju. For å bli vurdert som søkjar i desse gruppene, det vil seie positivt særbehandla på denne måten, må søkjarane oppfylle visse krav. Les meir om krava på Arbeidsgivarportalen. Vi oppfordrar søkjarar til å krysse av i jobbportalen dersom dei har funksjonsnedsetjing, hol i CV-en eller innvandrarbakgrunn. Avkryssingane i jobbsøkjarportalen dannar grunnlag for anonymisert statistikk som alle statlege verksemder rapporterer i årsrapportane sine.
Du må leggje elektroniske kopiar av vitnemål og attestar ved søknaden. Søkjarar som blir inviterte til intervju, blir bedne om å vise fram originaldokument.
Kontaktinformasjon
Maria Molvær Nesseth, senior rekrutteringsrådgivar i Cruit AS, 90 17 01 14, maria@cruit.no
Kjell Arne Klingen, seniorrådgivar, 23 98 02 54, kak@norad.no
Arbeidssted
Bygdøy allé 2
0257 Oslo
Søk på stillingen:Klikk her
Nøkkelinformasjon:
Arbeidsgiver:Norad
Referansenr.:4383041417
Stillingsprosent: 100%
Fast
Søknadsfrist: 12.05.2021
Om bedriften
Norad, Direktoratet for utviklingssamarbeid, set pengar i arbeid for å bidra til at verda når berekraftsmåla om å utrydde fattigdom, redusere ulikskap og bremse klimaendringane innan 2030. Norad forvaltar og omskaper i 2021 nær halvparten av det norske bistandsbudsjettet til resultat. I tillegg gir Norad bistands- og forvaltningsfaglege råd til Utanriksdepartementet, utanriksstasjonane og Klima- og miljødepartementet. Norad får årleg tildeling frå Utanriksdepartementet og frå Klima- og miljødepartementet