Einingsleiar opplæring og integrering
Org. nr: - Stillingsident: 4189443520 Presentasjon av stillingen:
Stad kommune har ledig stilling som leiar for eininga opplæring og integrering med moglegheit for snarleg tilsetting. Eininga inngår i kommunalområdet kultur og samfunn. Stad kommune har eit særleg fokus på tverrfagleg samarbeid og samskaping. Som tilsett i Stad vil du få høve til å delta i forminga av ein heilt ny kommune og ei eining i utvikling.
Eininga opplæring og integrering består av kommunen si vaksenopplæring og flyktningteneste. Det er tilsett eigen fagleiar/rektor for vaksenopplæringa. Eininga gir tilbod om norskopplæring til vaksne minoritetsspråklege, introduksjonsprogram til flyktningar, grunnskuleopplæring, og spesialundervisning til vaksne. Det vert gitt opplæring etter opplæringslova og introduksjonslova.
Vi søkjer etter ein tydelig og endringsdyktig leiar, både på strategisk og fagleg nivå. Som leiar for ei eining med ansvar for inkluderings- og involveringsarbeid og overgang til ordinær utdanning eller arbeid, blir det forventa at du deltek i og er ei drivkraft for danning av relevante team, møteplassar og prosjekt både internt og eksternt. Du må også ha god samfunnsforståing.
Hovudtyngda av tenesta er lokalisert på Nordfjordeid, men det blir også tilbydd vaksenopplæring og rådgjeving for flyktningar i Selje.
Arbeidsoppgåver
- Leie eininga i tråd med Stad kommune sine målsetjingar
- Ansvar for å drive gode utviklings-, forbetrings- og endringsprosessar
- Ansvar for å etablere ein god samarbeidskultur der ein lærer av kvarandre
- Sikre at samla kompetanse i eininga er i tråd med noverande og framtidige behov
- Syte for god og effektiv gjennomføring av politiske og administrative vedtak
- Ansvar for tverrfagleg samarbeid og samhandling internt og eksternt
- Ansvar for omdømmebygging, informasjon og kommunikasjon
- Fagleg, økonomisk og administrativt ansvar for eininga
Kvalifikasjonar
- Relevant utdanning på høgskule eller universitetsnivå
- Leiarerfaring, gjerne frå offentleg sektor
- Formell leiarutdanning, eller vilje til å ta slik utdanning
- God rolle-, system- og organisasjonsforståing
- God kjennskap til offentleg forvaltning og relevant lovverk
- Kunnskap og interesse for teknologi og digitalisering som verkemiddel for utvikling og effektivisering
- Gode kommunikasjons- og formidlingsevner både munnleg og skriftleg
Personlege eigenskapar
- Gode strategiske og analytiske evner
- God samhandlingskompetanse og evne til å skape lagånd og godt samarbeid
- Trygg og tydeleg i leiarrolla
Vi tilbyr
- varierte, sjølvstendige og utfordrande arbeidsoppgåver
- deltaking i leiarutviklingsprogrammet til Stad kommune
- målretta satsing på tverrfagleg samarbeid og samskaping
- fleksibel arbeidstid og godt arbeidsmiljø
- løn etter avtale
- gode pensjons- og forsikringsordningar
Vi ber om at søkjarar lastar opp attestar og vitnemål sama med søknaden.
Vi gjer merksame på at etter § 25 i offentleglova kan opplysningar om søkjaren bli offentlege sjølv om søkjar oppmodar om ikkje å bli ført opp på søkjarlista. Oppmoding om unnatak må grunngjevast.
Kontaktinformasjon
Kristine Dahl, kommunalsjef kultur og samfunn, 90536157
Arbeidsstad
Rådhusvegen 11
6770 Nordfjordeid
Søk på stillinga:Klikk her
Nøkkelinformasjon:
Arbeidsgivar:Stad kommune
Referansenr.:4189443520
Stillingsprosent: 100%
Fast
Søknadsfrist: 01.03.2020
Om bedriften
Stad kommune har om lag 9 500 innbyggjarar og ligg i Nordfjord i Vestland fylke. Kommunen vart oppretta 1. januar 2020 då kommunane Eid og Selje og bygdene Maurstad og Bryggja vart slått saman. Kommunen består av fleire livskraftige tettstader og strekkjer seg frå storhavet i vest til fjell- og fjordlandskap i aust. I kommunen finn du Vestkapp, surfemiljø i Hoddevika, Selja kloster, Harpefossen skisenter, vikingsenteret Sagastad, Malakoff rockfestival, Opera Nordfjord og Europas djupaste innsjø, Hornindalsvatnet. Kommunen har ledige bustadtomter, gode kommunale tenester, eit spanande næringsliv og innbyggjarar med initiativ og pågangsmot. Stad kommune har som overordna mål å bli fleire. Vi treng deg som ønskjer å flytte til kommunen vår, og vi treng deg som har budd ute ei stund og ønskjer å flytte heim. Vi ønskjer å utvikle eit livskraftig og trygt samfunn der vi alle dreg i lag. I Stad kommune vil du møte lokalsamfunn som skil seg ut. Kommunen er stor nok til å gje deg rom og la deg leve ut draumane dine, og liten nok til å sjå deg og ta vare på deg. Vi ønskjer deg med på laget!