Avdelingsdirektør for seksjon jordbrukspolitikk
Jobbnorge ID: 187553
Om stillinga
Vi har ledig ei fast stilling som avdelingsdirektør i seksjon jordbrukspolitikk. Stillinga si hovudoppgåve er å leie og koordinere arbeidet i seksjonen. Avdelingsdirektør for seksjon jordbrukspolitikk har mellom anna følgjande oppgåver:
- Fagleg oppfølging og kvalitetssikring på seksjonsen sine ansvarsområder, politikkutforming, regelverksutvikling, enkeltsakshandsaming, etc.
- Leiing og oppfølging av seksjonens for tida ni medarbeidarar, mellom anna eit juristteam på fire juristar
- Medlem av landbrukspolitisk avdeling si leiargruppe
- Kontakt med politisk leiing
- Deltaking i jordbruksforhandlingar og oppfølging av sekretariatsansvaret
- Oppfølging av etatsstyringa av Landbruksdirektoratet
- Nært samarbeid med andre seksjonar og avdelingar i departementet
- Kontakt med andre departement, underliggande etatar, andre institusjonar, eksterne aktørar og organisasjonar
Vi søker deg som
Vi søker ein person som har relevant høgare utdanning på masternivå, og det er ønskeleg med relevant fagkompetanse innan fagfelta stillinga dekker. Vi søker ein person med kunnskap om norsk landbruk og landbrukspolitikk og med erfaring frå offentleg forvaltning, gjerne frå eit departement. Du må ha noko leiarerfaring, og kjennskap til og forståing for arbeid under politisk leiing. Det vil være positivt med erfaring frå arbeid med EØS-rettslege problemstillingar, erfaring og interesse for juridiske problemstillingar og rettsinformatikk og erfaring frå arbeid i sektoren.
Som leiar av seksjonen er du ein del av avdelinga si leiargruppe, og du får personalansvar for seksjonen sine medarbeidar. Vi er ute etter deg som er engasjert og beslutningskraftig, har gode analytiske evner, evne til å leie og motivere andre og til å samarbeide med ulike menneske. Ettersom stillinga tidvis inneber stort arbeidspress må du ha stor arbeidskapasitet og kunne prioritere og behalde roen i stressande situasjonar.
Det er nødvendig med god munnleg og skriftleg framstillingsevne i norsk og engelsk.
Landbruks- og matdepartementet er oppteken av mangfald og oppmodar alle kvalifiserte kandidatar til å søke, uavhengig av til dømes alder, kjønn, funksjonshemjing, hol i CV, nasjonal eller etnisk bakgrunn.
Søker må kunne tryggingsklarerast.
Vi tilbyr
- Spennande og varierte arbeidsoppgåver
- Eit engasjert og kompetent fagmiljø
- Eit godt arbeidsmiljø med mellom anna revygruppe, kor, skidag og andre sosiale arrangement
- Trening i arbeidstida
- Løn innanfor spennet 854 000 - 975 000
- Pensjons- og forsikringsordning i Statens pensjonskasse.
Slik søker du
Søknad sendast elektronisk.
Interesserte kan før søknadsfristen ta kontakt med ekspedisjonssjef Viil Søyland på telefon 99 39 32 11.
Etter at søknadsfristen er ute, vert det utarbeidd ei offentleg søkarliste. Vi gjer merksam på at dersom du har ønske om unntak frå offentleggjering, må du grunngje dette og legge ved søknaden. Søkarar som har bede om konfidensiell handsaming, kan likevel førast opp på søkarlista. I så fall vert søkaren varsla før offentleggjering
Se annonsen og søk på stillingen www.jobbnorge.no
Om bedriften
Landbruks- og matdepartementet (LMD) har hovudansvaret for landbruks- og matpolitikken. Det omfattar arealforvaltning, jord- og skogbruk, husdyrhald, reindrift og utvikling av nye næringar med utgangspunkt i landbruket. Departementet har om lag 140 tilsette fordelte på fire avdelingar og ei kommunikasjonseining.
Landbrukspolitisk avdeling har ansvar for landbrukspolitiske spørsmål innafor jordbruk, reindrift, handelspolitikk, næringsutvikling og miljø. Avdelinga har om lag 35 tilsette og er delt i fire seksjonar
Seksjon jordbrukspolitikk har ansvar for jordbruksavtalen og dei årlege jordbruksforhandlingane mellom staten, Noregs Bondelag og Norsk Bonde- og Småbrukarlag, og utgreiingar og politikkutvikling i samband med dette, mellom anna innafor fagområde som økonomi, jus, agronomi og statsvitskap. Seksjonen arbeider med ulike tilskottsordningar, mellom anna produksjonstilskott. Seksjonen har ansvar for marknadsbalansering, husdyrkonsesjon, kvoteordninga for mjølk, prisutjevningsordninga for mjølk og matvareberedskap. Seksjonen arbeider også med etatsstyring av Landbruksdirektoratet.