Lærling
Vi søkjer etter ein lærling innan kontor- og administrasjonsfaget med oppstart august 2020. Som kontor- og administrasjonsfaglærling i Tussa vil du i hovudsak arbeide ved sekretariatsavdelinga vår. Avdelinga sine hovudoppgåver er arbeid med sak/arkiv, sentralbord, styre- og utvalsarbeid, kvalitetssikring av dokument i tillegg til andre administrative oppgåver.
Læretida er på to år og vert avslutta med fagprøve. Etter bestått fagprøve vil du få fagbrev innan kontor-og administrasjonsfaget.
Vi søkjer deg som har fullført og bestått Vg2 salg, service og sikkerheit. Vi legg vekt på fagleg forståing, gode datakunnskapar, gode samarbeids- og tilpassingsevner. Personlege eigenskapar vert tillagt stor vekt.
Om bedriften
Tussa er eit leiande energi- og kommunikasjonskonsern med hovudkontor i Ørsta kommune på Sunnmøre. Over 200 medarbeidarar jobbar i konsernet, med oppgåver innanfor kraftproduksjon, kraftomsetning, IKT og installasjon.
Tussa Kraft AS er morselskapet i Tussakonsernet, og yter tenester innan økonomi, finans, innkjøp, personal og kommunikasjon til dotterselskapa.