Vikariat som behandlar i Seksjon Ambulant - Avdeling for rusmedisin
Org. nr: - Stillingsident: 4087515140 Presentasjon av stillinga:
Spanande vikariat for sjukepleiar/vernepleiar/sosionom som ønskjer å jobbe med ambulerande behandling for sårbare pasientgrupper.
Avdeling for rusmedisin (AFR), Haukeland universitetssjukehus, har ansvar for behandling og oppfølging av menneske med skadeleg bruk av rusmiddel og avhengigheit. AFR har om lag 340 tilsette.
AFR består av sju seksjonar som inneber tre døgnseksjonar, forskingsseksjon, LAR, poliklinikk, samt den nyoppretta Seksjon Ambulant som den utlyste stillinga er tilknytt. AFR er i ein spanande utvikling knytt til både forsking og utvikling av differensierte tenester. Avdelinga har faste fag og forskingsdagar, og legg til rette for individuell vidareutdanning, samt felles kompetanseheving.
Seksjon Ambulant er ein heilt ny seksjon i AFR med målsetting om å sikre tidlegare oppstart av gode behandlingsløp, samt hjelpe menneske med rusmiddelavhengigheit som ikkje nyttiggjer seg ordinær poliklinisk behandling. Seksjon Ambulant står sentralt i AFR si satsing på fleksible og ambulante tenester. Per tid er det tilsett ein seksjonsleiar, ein overlege, ein psykolog og sju ambulante behandlarar (sjukepleiar/vernepleiar/sosionom), og vi søkjer nå etter ein vikar til ein slik behandlarstilling.
Dei ambulerande behandlarane i Seksjon Ambulant møter ruspasientar der dei har behov for det; gjerne i heimen eller på tur. Vi driv oppfølging av pasientar med eit vidt spekter av rusproblem; unge til eldre. Seksjonen står midt i ein fagleg utvikling og skal begynne med rustilsyn på somatiske og psykiatriske postar i Helse Bergen, i tillegg til å drive langsiktig behandling og oppfølging av ruspasientar som treng tilpassa og fleksibel behandling. Vi jobbar tverrfagleg og drar som regel to i lag på ambulante oppdrag.
Vikariatet gjeld i fyrste omgang i inntil eit år. Tiltreding i stillinga etter nærare avtale.
Arbeidsoppgåver
- Som behandlar i Seksjon Ambulant har ein ansvar for oppfølging og behandling til eit gitt tal pasientar.
- Ein vil arbeide i tverrfagleg team med både psykolog og lege, der ein tar sentral del i utarbeiding og gjennomføring av plan for behandling til pasientane.
- Aktiv deltaking i pasienten si ansvarsgruppe, der og fastlege og sosialteneste er sentrale aktørar, er ein viktig del av arbeidet.
- Delta på rustilsyn på somatiske og psykiatriske avdelingar i Helse Bergen.
- Dosering av medisinar.
Kvalifikasjonar
- Sjukepleiar/vernepleiar/sosionom med norsk autorisasjon.
- Sosionom kan også søkje.
- Personleg eigna for å jobbe med pasientgruppa er ein føresetnad.
- Erfaring frå spesialisert rusbehandling, psykiatri, kommunale sosiale tenester, eller relevant vidareutdanning vil telje positivt.
Utdanningsretning
- Sosionom
- Sykepleie
- Vernepleie
Utdanningsnivå
- Høyskole / Universitet, Diplom- / Bachelorgrad
Personlege Eigenskapar
- Du er interessert i fagfeltet og pasientgruppa.
- Du trivast med å arbeide i eit spesialisert tverrfagleg miljø
- Du er open og fleksibel, og meistrar høgt tempo og toler å stå i krevjande situasjonar.
- Du har god fagleg vurderingsevne .
- Du arbeider målretta, samvittighetsfullt og strukturert både sjølvstendig og i team.
- Du likar å jobbe med pasientar over tid.
- Du bidrar positivt til eit fagleg og kollegialt godt miljø.
Vi tilbyr
- Lønn i henhold til overenskomst.
- Gode pensjonsvilkår.
- Eit sosialt og godt arbeidsmiljø.
- Lærerike og utviklande arbeidsoppgåver.
- Regelmessig individuell og teambasert rettleiing og undervising.
Andre opplysningar
- Noe reisevirksomhet må påregnes
Kontaktinformasjon
Benedicte Ekman, Seksjonsleiar, benedicte.ekman@helse-bergen.no
Arbeidsstad
Bergen
Nøkkelinformasjon:
Annonsør:Helse Bergen
Ref. nr.:4087515140
Stillingsbrøk: 100%
Vikariat heltid
Tal på stillingar: 1
https://www.webcruiter.no/wcmain/advertviewpublic.aspx?oppdragsnr=4087515140&company_id=4024824605&culture_id=NN-NO
For elektronisk søknadsskjema:[Klikk her]
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.