Rådgjevar - arkeolog
Vestland fylkeskommune søkjer ein rådgjevar / arkeolog i 100 % fast stilling, i seksjon for kulturarv, fageining arealplan til kontorstad Bergen. For tida er kontora på Sandsli, men Vestland fylkeskommune flyttar kontora nybygd fylkeshus i Bergen sentrum i februar 2023.
Seksjon for kulturarv i avdeling for kultur, idrett og inkludering, er organisert i tre fageiningar, museum, fartøy og bygningsvern, arealplan og feltarkeologi. Fageiningane er fordelt på tenestestadene Bergen, Førde og Leikanger. Seksjon for kulturarv har eit breitt fagmiljø som dekker heile Vestland fylke.
Vi ønskjer at den som vert tilsett tek til i stillinga snarast råd.
Arbeidsoppgåver
I all hovudsak sakshandsaming innanfor fagområdet kulturarv med ansvar for rådgjeving om automatisk freda kulturminne. Du skal følgje opp oppgåver som Vestland fylkeskommune har som regional planmynde og kulturmiljømynde.
- Kulturminnefagleg fråsegn til kommuneplanar, områdereguleringsplanar og detaljreguleringsplanar
- Sakshandsaming, lovpålagde arbeidsoppgåver jf. plan- og bygningslova og kulturminnelova
- Kulturminnefagleg fråsegn til konsesjonssaker
- Førebuing av saker til politisk handsaming
- Andre oppgåver det er naturleg å legge til stillinga
Du må ha
- Ferdigstilt høgare utdanning (hovudfag/mastergrad) innanfor relevant fagområde/arkeologi
- Erfaring innafor offentleg kulturminneforvaltning og kunnskap om relevant lovverk
- Realkompetanse innan fagfelt arealplanlegging er ønskeleg
- God innsikt i bruk av digitale arkiv, kart og andre kjelder på nett
- Erfaring med formidling og mediehandtering
- Det vert stilt krav om førarkort for bil, klasse B
- Fylkeskommunen nyttar nynorsk som målføre. Søkjar bør kunne uttrykke seg godt både munnleg og skriftleg
Vi søkjer personar som
- Har fagleg engasjement som arbeider strukturert og har evne til å veksle mellom sjølvstendig arbeid og i eit fagleg fellesskap
- Kan gjere prioriteringar, arbeide strukturert og levere på frist
- Har gode samarbeidsevner
- Evne til å sjå heilskapen, er løysingsorientert og meistre fagleg skjønnsutøving
Vi tilbyr
- Eit av Noregs mest sentrale fagmiljø innanfor kulturminnevernet
- Løn etter kvalifikasjonar
- Gode forsikrings og pensjonsordningar
- Bedriftshelseteneste
- Fleksibel arbeidstid
Vi gjer merksam på
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort.
Du må rekne med å måtte reise ein del i samband med jobben.
Alle nytilsetjingar i Vestland fylkeskommune blir gjort med ei prøvetid på 6 månader.
Kontaktinformasjon
Karoline Hareide Breivik, leiar, 95973853Arbeidsstad
Sandslihaugen 305254 Sandsli
Nøkkelinformasjon:
Arbeidsgivar:Vestland fylkeskommuneReferansenr.:4569542374
Stillingsprosent: 100%
Fast
Søknadsfrist: 17.10.2022