Vikariat som rådgjevar ved Seksjon for studier og forskarutdanning
Jobbnorge ID: 188256
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Video: https://www.youtube.com/watch?v=0E0cOZpZQXY
Rådgjevar
Ved sekretariatet for Det humanistiske fakultet er det ledig eit vikariat som rådgjevar, med oppstart 3. august 2020. Vikariatet har varigheit til 15. juni 2021.
Stillinga er knytt til seksjon for studier og forskarutdanning ved fakultetet. Fakultetet har ei brei fag- og programportefølje og seksjonen følgjer opp og koordinerer det studieadministrative arbeidet ved fire institutt og to forskningssenter. Fakultetet har ansvar for 23 BA-program og 18 MA-program.
Stillinga skal gje råd til institutt. og fakultetetsleiinga i spørsmål om studieprogramutvikling og læringsdesign, utvikling av etter- og videreutdanningsfeltet (evu) og tiltak for å auke eksternfinansiert virksomhet innanfor studiefeltet. Andre hovudoppgåver er oppfølging av lokale opptak ved fakultetet, oppfølging av digitale læringsplattformer og rutine- og tenesteutvikling innanfor dei studieadministrative tenestene ved fakultetet. Stillinga inneheld og ein del variert sakshandsaming og forvaltningsansvar.
Næraste overordna er studiesjefen ved fakultetet, og stillinga rapporterer direkte til henne. Alle i administrasjonen vil, i tillegg til spesifikke funksjonar lagt til stillinga si, òg måtte ta del i andre administrative oppgåver.
Arbeidsoppgåver:
-
Hovudansvar for evu-feltet ved fakultetet, herunder
- rutineutvikling og samarbeid med økonomi- og personalfeltet
- koordinering av informasjon om utlysninger/bidrag/oppdrag
- oppfølging av instituttene si utvikling av tilbud
-
Administrativ støtte ved design og redesign av studietilbod (læringsdesign), herunder sakshandsaming av studieplanar og oppfølging av utdanningsdata i Felles studentsystem (FS).
-
Administrativ støtte til eksternfinansiert verksemd (søknadsstøtte)
-
Oppfølging av lokale opptak ved fakultetet (enkeltemneopptak, samarbeid med sentralnivå og institutt om masteropptak og opptak til praktisk-pedagogisk utdanning)
-
Oppfølging av digitale læringsplattformer og digitale støttesystem for utdanningsfeltet
-
Deltaking i studieadministrative nettverk knytt til arbeidsområda
-
Sakshandsaming (og utgreiingsarbeid) innanfor seksjonen sine arbeidsfelt
Kvalifikasjonar og eigenskapar:
Kvalifikasjonar
- Mastergrad. Lang, relevant praksis kombinert med relevant etter- og vidareutdanning kan i særskiltehøve kompensere for manglande formell utdanning.
- Relevant digital kompetanse
- God kjennskap til universitets- og høgskulesektoren og relevant praksis og erfaring frå det studieadministrative arbeidsfeltet
- God kjennskap til forvaltningsoppgåver innanfor studiefeltet, herunder erfaring med oppfølging av relevante lovkrav, forskrifter og regelverk som gjeld for studietilbod i høgare utdanning
- Gode skriftlege og munnlege kommunikasjonsevner, både på norsk og engelsk
Personlege eigenskaper
- Gode samarbeidevner
- Motivert, fleksibel og sørvisinnstilt
- Evne til å arbeide sjølvstendig, strukturert og målretta
- Evne til prioritering og orden i periodar med stort arbeidspress
Det blir lagt stor vekt på dei personlege kvalifikasjonane som trengst i stillinga.
Vi kan tilby:
- Eit godt og fagleg utfordrande arbeidsmiljø.
- Varierte arbeidsoppgåver og gode moglegheiter for kompetanseutvikling.
- Ei stilling som gir rom for initiativ og engasjement
- Løn som 1434 rådgjevar etter lønssteg 59-64, avhengig av tenesteansiennitet og kvalifikasjonar. Dette utgjer for tida 522 800 - 572 700 kr. brutto per år. For særskilt kvalifiserte søkjarar kan det bli aktuelt å vurdere høgare løn.
- Medlemsskap i Statens pensjonskasse.
- Stilling i ei inkluderande arbeidslivsverksemd (IA-verksemd).
- Gode velferdsordningar.
Generell informasjon:
Utfyllande opplysningar om stillinga kan ein få ved å vende seg til: studiesjef Ranveig Lote på tlf. 55 58 99 63, e-post ranveig.lote@uib.no, eller nestleiar Inger Marie Hatløy på tlf. 55 58 22 09, e-post inger.hatloy@uib.no.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Den som vert tilsett, må rette seg etter dei retningslinene som til ei kvar tid gjeld for stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Søknad og CV skal sendast elektronisk via link på denne sida «SØK STILLINGEN».
Søknadsfrist: 17.06.2020 Merk søknaden: 20/5673
Se annonsen og søk på stillingen www.jobbnorge.no
Om bedriften
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det humanistiske fakultet består av fire institutt og fire senter. Les meir om fakultet og tilhøyrande institutt.