Fyresdal kommune søker kommunalsjef kultur og oppvekst i 100 % fast stilling
Fyresdal kommune søker kommunalsjef kultur og oppvekst i 100 % fast stilling
Er du synleg, tydeleg og handlingsorientert?
Har du motivasjon, engasjement og likar samhandling og utvikling?
Kanskje er du ein av oss snart?
Då vil du få bu i ein av Noregs vakraste kommunar -- FYRESDAL!
Kommunalsjefen skal fremje utvikling innanfor tenesteområda barnehage, grunnskule, vaksenopplæring og kultur og er ein del av rådmannen si leiargruppe.
Vi ynskjer ein kommunalsjef som:
• Er utviklingsorientert -- det vil seie har evne til analytisk og strategisk tilnærming til utvikling av tenesteområdet, og er nysgjerrig på og har motivasjon for endringar.
• Har gjennomføringskraft -- det vil seie evne til å gjennomføre beslutningar og skape engasjement og involvering.
• Er relasjonsbyggjar -- det vil eie evne til å byggje lag som arbeider for samme mål.
Hovudoppgåver:
• Leie og vidareutvikle områda innan barnehage, skule og kultur.
• Oppfylle kommunen og staten sine målsetjingar saman med andre tilsette.
• Samarbeide, deltake og bidra inn i kommunale, regionale og statlege nettverk.
• Ha fokus på resultatmåling, rapportering og internkontroll.
• Sakshandsaming, tilrettelegging og iverksetjing av politiske saker.
Krav til kvalifikasjonar:
• Relevant pedagogisk utdanning på høgskule- eller universitetsnivå.
• Erfaring frå skule og/eller barnehage.
• Kjennskap til kommunalt arbeid og offentleg forvaltning.
• Leiarerfaring.
Det vil bli lagt stor vekt på personlege eigenskapar.
Søknadsfrist er 20.06.2020.
Spørsmål om stillinga kan rettast til rådmann Une Marit Tangen på une.tangen@fyresdal.kommune.no eller 974 05 068.
Vi ber om at det elektronsike søknadsskjemaet blir fylt ut komplett med både utdanning og praksis. Attestar og vitnemål blir etterspurt ved behov.
Velkomen som søkar!
Om bedriften
Fyresdal kommune er ein liten, men handlekraftig og spenstig kommune i Vest-Telemark. Vi legg særleg vekt på gode bu- og etablerartilhøve, og har eit sterkt fokus på nytenking og utvikling.
Hovudmålsetjinga i kommuneplanen vår er:
Gjennom handlekraft, fleksibilitet og utradisjonelle løysingar skal Fyresdal vere ein framifrå stad å bu og virke.