Innkjøpskonsulent

Vil du bidra til trygg og effektiv operasjonsdrift i eit av landets største operasjonsmiljø?

Kirurgisk serviceklinikk (KSK) har ledig 100% fast stilling som innkjøpskonsulent. Stillinga er organisatorisk plassert i KSK operasjonsavdeling (OPA), med avdelingssjef som leiar. Arbeidsstad er for tida inne på Sentraloperasjon, då hovudoppgåvene er lagt til innkjøp for dei operative seksjonane, i tett dialog med brukarklinikkane.

Stillinga er ledig frå snarast eller etter nærare avtale. 50% av stillinga er knytta til ortopedisk seksjon i Sentraloperasjonen (SOP), og 50% er knytta til andre seksjonar i OPA.

Stillinga vil ha ein sentral rolle i å sikre god oversikt over utstyr, bestillingar og vareflyt. Som innkjøpskonsulent vil du bidra til at operasjonsteama har riktig utstyr tilgjengeleg til rett tid. Rolla er viktig for å støtte ein effektiv operasjonsdrift og gode pasientforløp. Du vil ha tett samarbeid med operasjonssjukepleiarar, kirurgar, seksjonsleiing og sjukehusets innkjøps- og logistikkmiljø.

Arbeidsoppgåver

• Koordinere bestilling og oppfølging av medisinsk forbruksmateriell og utstyr til operasjonar
• Bidra til god lagerstyring og oversikt over utstyr i operasjonsavdelinga
• Følge opp vareflyt og leveransar slik at nødvendig utstyr er tilgjengeleg til planlagte operasjonar
• Vere kontaktpunkt mot leverandørar og sjukehusets innkjøps- og logistikkfunksjonar
• Bidra til systematisk oppfølging av avdelingas utstyrsbehov
• Delta i arbeid med standardisering av utstyr og forbetring av rutinar
• Bidra i prosessar knytta til anskaffingar i samarbeid med relevante fagmiljø
• Arbeidsoppgåvene kan utviklast i takt med avdelingas behov

Kvalifikasjonar

• Relevant helsefagleg utdanning eller annan relevant bakgrunn innan logistikk, vareflyt eller innkjøp
• Erfaring frå sjukehus eller operasjonsmiljø er ein fordel
• God systemforståing og interesse for strukturert arbeid
• Erfaring frå SAP eller andre ERP- system er ein fordel
• Gode norskkunnskapar, både munnleg og skriftleg
• Det vil bli lagt vekt på at ein er personleg eigna for stillinga

Personlege eigenskapar

• Strukturert og systematisk
• Gode samarbeidsevner og evne til å bygge relasjonar i eit travelt miljø
• Løysingsorientert og praktisk anlagt
• Evne til å sjå heilskap og bidra til gode arbeidsprosessar i seksjonen
• Sjølvstendig og ansvarsbevisst

Vi tilbyr

• Ein sentral rolle i eit spennande og komplekst operasjonsmiljø
• Eit fagleg sterkt arbeidsmiljø med tett samarbeid mellom ulike profesjonar
• Moglegheit til å bidra til utvikling av gode system for utstyr og vareflyt
• Lønn i henhald til gjeldande overeinskomst

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Solveig Tveit Songstad, Avdelingssjef, 99609824

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5131563674
Stillingsprosent: 100%
Fast
Søknadsfrist: 01.06.2026