ID 1963 Avdelingsleiar - Heimebaserte tenester
Spennande moglegheit som avdelingsleiar i Heimebaserte tenester!
Me leitar etter deg som er motivert og løysnings orientert og som ynskjer å ta del i utviklinga av heimetenestene. Du er opptatt av kommunen sin visjon som er saman om utvikling og velferd. Du vert ein del av eit dyktig leiarteam og rapporterer til einingsleiar. Heimebaserte tenester omfattar heimesjukepleie, praktisk bistand, dagaktivitetstilbod for personar med demens, avlasting og omsorgslønn til brukarar over heile kommunen. Me har som mål å tilby god kvalitet på tenestene innafor gitte rammer, fleire bur heime med framtidsretta tenester og me har eit positivt, ivaretakande og opent arbeidsmiljø.
Det er ledig fast 100% stilling som avdelingsleiar i avdeling Nord
Arbeids- og ansvarsområde:
Arbeidsoppgåver i stillinga omfattar mellom anna turnusplanlegging, personaloppfølging, fagutvikling og internkontrolloppgårer, samt rettleiing av personalet i nært samarbeid med assisterande avdelingssjukepleiar i avdelinga. Du deltar aktivt i eininga si leiargruppe som har eit felles ansvar for utvikling av tenestene med tanke på fag, personal og økonomi. Du er fagleg leiar for avdeling og eventuelle tilleggsfunksjonar lagt til stillinga. Nærmaste overordna er einingsleiar.
Kvalifikasjonskrav:
- Avdelingsleiar skal ha norsk autorisasjon som sjukepleiar og gode norsk kunnskapar, gjerne med tilleggsutdanning i administrasjonsrelaterte fag.
- Relevant fagleg vidareutdanning som geriatri, kommunehelseteneste eller rehabilitering er ein fordel.
- Du treng gode datakunnskapar og kjennskap til relevante fagsystem
- God framstillingsevne både munnleg og skriftleg
- Ved tilsetjing vil det bli stilt krav om at ein legg fram politiattest av ny dato
Personlege eigenskapar som vil verte vektlagt:
- Du er fagleg sterk leiar som er god til å involvere, motivere og myndiggjere medarbeidarane
- Du har god gjennomføringsevne, er trygg i rolla som leier og klarar å skapa engasjement
- Du likar struktur og orden, samtidig som du er løysningsorientert og fleksibel
- Du opptrer roleg i komplekse situasjonar og meistrar periodar med høgt arbeidstempo
- Du har gode kommunikasjons- og samarbeidsevner og er dyktig til å bygge relasjonar på tvers i organisasjonen.
Me kan tilby:
- Varierte arbeidsoppgåver i eit tverrfagleg fagmiljø
- Godt arbeidsmiljø
- Stord ve og vel med moglegheit for leige av leilegheiter i Røldal, Husøy med båt og
- utleige av tilhengarar mm.
- Løns- og arbeidsvilkår i samsvar med kommunalt avtaleverk
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.