Ledig vikariat for lege i spesialisering i ortopedi
Org. nr: - Stillingsident: 4430412869 Presentasjon av stillingen:
OM STILLINGA:
Voss Sjukehus, Helse Bergen, Haukeland universitetssjukehus har ledig vikariat for LIS 3 i spesialisering innan ortopedisk kirurgi, til 15.09.2022. Oppstartstidspunkt etter nærare avtale.
OM AVDELINGA:
Det er 8 LIS 2/3 legar ved kirurgisk avdeling, 4 LIS 3 ortopedi og 4 LIS 2 generell kirurgi. Vaktordninga er for tida 8-delt, felles vakt ortopedi og generell kirurgi med helgevakt kvar 4. helg. Det er 4 spesialistar i ortopedisk kirurgi ved sjukehuset.
Voss sjukehus behandlar både elektiv ortopedi og ortopedisk traumatologi. Elektiv kirurgi omfattar mellom anna artroskopi skulder/kne, fot- og ankelkirurgi, protesekirurgi i hofte og kne.
OM VOSS SJUKEHUS:
Voss sjukehus har full akuttberedskap innan ortopedi, kirurgi, medisin, føde, gynekologi og anestesi. Sjukehuset har hatt ein stor aktivitetsvekst og ønsker å fortsette den positive utviklinga. I strategiplan for Helse Bergen er det lagt opp til styrking av akuttfunksjonar og fødetilbod ved Voss sjukehus. Opptaksområdet er på om lag 30.000 innbyggarar, fordelt på 6 kommunar. I tillegg kjem det pasientar frå Bergen og kommunar i indre Sogn.
Voss sjukehus er ein del av Helse Bergen HF og har tett fagleg samarbeid med avdelingane ved Haukeland universitetssjukehus. Sjukehuset er under stadig utvikling og har fine lokalitetar. Det er fire godt utstyrte operasjonsstover og sjukehuset har gode støttetenester innanfor anestesi, intensiv/rec., radiologi med CT- og MR lab., fysioterapiavdeling og laboratorium med blodbank.
Ein samla utviklingsplan, Nye Voss sjukehus fram mot 2035, er no under arbeid. Planen har som mål å utvikle eit framtidsretta sjukehus, der nytt areal og infrastruktur skal støtte opp om aktiviteten ved sjukehuset.
OM VOSS:
Voss har om lag 14.000 innbyggarar og staden har flott natur som gir særs gode høve til naturopplevingar og aktivitetar både for born og vaksne, samt for ekstremsportutøvarar. Kulturlivet er rikt og variert, og det er eit godt utbygd skuletilbod.
Arbeidsoppgåver
- Varierte arbeidsoppgåver som lege i spesialisering innan ortopedisk kirurgi
- Vakt
- Opererasjon
- Poliklinikk
- Visitt
Kvalifikasjonar
- Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetjing i LIS stilling i ortopedi
- Det vil bli lagt vekt på relevant yrkeserfaring og klinisk erfaring
- Den som blir tilsett må meistre norsk språk, både skriftleg og munnleg
- God skriftleg dokumentasjonsevne
Education field
- Medisin
Education Level
- Profesjonsstudium
Personlege eigenskapar
- Du har interesse og motivasjon for fagfeltet
- Du kommuniserer tydeleg og forståeleg med pasientar og andre samarbeidspartnarar
- God fagleg vurderingsevne, og arbeider strukturert og målretta
- Engasjert
- Må trivast i eit aktivt og travelt miljø
Vi tilbyr
- Løn i samsvar med gjeldande overeinskomst mellom Helse Bergen og Dnlf
- Gode pensjons- og forsikringsordningar
- Høgt fagleg nivå
- Fagleg og personleg utvikling
- LIS ortopedi vil få ein personleg rettleiar og deltar i det regulære utdanningsprogrammet i avdelinga
- Forholda vil bli lagt til rette for deltaking i undervisning, kurs og annan etterutdanning
- Triveleg arbeidsmiljø
- Voss sjukehus vil kunne hjelpe til med passande bustad
- Vikariatet kan telje som del av spesialistutdanninga
Mangfaldserklæring
Føretaksgruppa i Helse Vest ønsker å spegle mangfaldet i befolkninga i rekrutteringa vår. Vi oppmodar alle som er kvalifiserte til å søke ledige stillingar uansett kjønn, alder, funksjonshemming og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønsker å legge til rette for inkluderande rekruttering.
Contacts
Sjur Børsheim, Seksjonsoverlege ortopedi, 56 53 35 00
Christer Kvelvane, Avdelingsoverlege, 56 53 35 00
Location
Sjukehusvegen 16
5704 Voss
Apply for position:Click here
Key information:
Employer:Helse Bergen
Reference number:4430412869
Percentage of full-time: 100%
Vikariat
Start date: 11.10.2021
End date: 18.09.2022
Application deadline: 24.10.2021
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.