Prosjektansvarleg - tilsyn bygg
Org.nr.:938 497 524 Stillingsident: Presentasjon av stillingen :
Kommunen har etterslep på oppfølging av ulovleg bygging, og det er derfor oppretta ei eitt-årig 100% prosjektstilling ved eining for Plan, landbruk og teknisk, som skal ha byggetilsyn som hovudarbeidsområde. Det vert lagt opp til at prosjektansvarleg skal jobbe i tett samarbeid med byggesakshandsamar i kommunen, samt resten av eininga.
På bakgrunn av dette lyser vi ut 100% prosjektstilling frå snarast/ etter avtale. Varigheit omlag eitt år.
Arbeidsoppgåver:
Den tilsette vil ha ansvar for området tilsyn, og hovudarbeidsområda vil vere:
- Utarbeide strategi for tilsyn etter plan- og bygningslova, med tilhøyrande utarbeiding av rutiner og malar
- Gjennomføre tilsyn etter vedteken strategi. Dette inkluderar førebuingar, varsling, gjennomføring, rapportering og oppfølgjing
- Oppfølging av ulovleg bygging og klagehandsaming
- Andre oppgåver ved eininga
Kvalifikasjonar:
- Utdanning på høgskule- eller universitetsnivå innanfor relevant fagområde
- God kjennskap til plan- og bygningslova, samt anna relevant lovverk
- Erfaring med byggesakshandsaming og tilsyn er ynskjeleg
- Generell erfaring med bruk av IKT. Erfaring med kommunalt sakshandsamingssystem og ACOS er ynskjeleg
- Kjennskap til kommunen kan vere ein fordel
- Krav om førarkort klasse B
Personlege eigenskapar:
Det vert lagt vekt på at den som vert tilsett er personleg eigna for stillinga. Tilsyn og oppfølging av ulovleg bygging er eit fagområde der det kan oppstå usemje. Det er derfor viktig at den som vert tilsett i stillinga har fylgjande eigenskapar:
-
Evner å stå stødig i ulike situasjonar, vere objektiv og blansert i rolla som utøvar av forvaltningsmynde
-
Må kunne jobbe systematisk og sjølvstendig, ha gode samarbeidsevner, vere fleksibel og løysingsorientert
-
Må ha auge for detaljar, evne til å omstille deg raskt og trivast med å ha mange arbeidsoppgåver
-
Gode norskkunnskapar, både munnleg og skriftleg
Anna:
-
Tenestespråket i Gulen kommune er nynorsk
For tilsetjing innan pleie og omsorg, PU, i skule og i barnehage, vert det stilt krav om politiattest.
Tilsetjing etter gjeldande lover, føresegner og avtalar.
Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.
Link til søknadsskjema: Send søknad For mer informasjon kontakt: , Einingsleiar Ingvild Høydal, Tlf: 57782041, Epost: ingvild.hoydal@gulen.kommune.no
Om bedriften
Gulen kommune ligg på sørsida av Sognefjorden, heilt ut mot havet. Innbyggjartalet er ca. 2 300. Kommunen har ca. 400 tilsette, som arbeider etter visjonen "Samarbeid for utvikling!"