Nevropsykolog
Org. nr: 983 974 724 Stillingsident: 4191797700 Presentasjon av stillingen:
Har du lyst på nye utfordringar? Er du interessert i habilitering?
Habiliteringsavdelinga for vaksne (HAVO) har ledig 100% fast stilling for nevropsykolog. Annan spesialitet kan også vera aktuell.
HAVO er ein del av ReHabiliteringsklinikken, som i tillegg består av Avdeling for fysikalsk medisin og rehabilitering (AFMR) og Regionalt kompetansesenteret for habilitering og rehabilitering. Habilitering av vaksne er retta mot personar over 18 år med medfødd eller tidleg erverva funksjonsnedsetting. Fagfeltet er interessant, variert og grensar opp mot ulike fagområde. I pasientoppfølginga inngår ofte samarbeid med pårørande, kommunale instansar, psykisk helsevern og andre einingar i spesialisthelsetenesta.
Diagnostisering av grunnlidingar som utviklingshemning og/eller autismespekterforstyrringar er ei av dei mest sentrale oppgåvene. Det er særleg unge vaksne som treng utgreiing og diagnostisering. Problemstillingane er ofte samansette med ulik tilleggsproblematikk som syndrom, psykiske lidingar og utfordrande åtferd.
HAVO er tverrfagleg samansett og tilsaman er vi 26 personer i avdelinga. Det er 6 stillingar for psykologar som har følgjande spesialitetar; klinisk vaksenpsykologi, samfunnspsykologi og habilitering. 2 overlegar med spesialitet i nevrologi og psykiatri. Dei andre yrkesgruppene er vernepleiar og ergoterapeut. Arbeidsforma vekslar mellom poliklinikk og ambulant oppfølging i pasienten sitt heimemiljø.
Tilsetjingsdato er 15.06.2020 eller etter nærare avtale.
Habiliteringsavdelinga er for tida lokalisert i Sandviken, men vil flytte til Olav Bjordals veg 29 i Åsane fa 01.04.20. Sjå elles våre internettsider: www.helse-bergen.no
Arbeidsoppgåver
- Utgreiing og diagnostisering
- Råd og rettleiing til pasientar og samarbeidspartar
- Tverrfagleg samarbeid
- Bidra i fagutvikling
- Kurs, undervising og pasientopplæring kan vere aktuelt
Kvalifikasjonar
- Norsk autorisasjon som psykolog
- Kjennskap til og interesse for fagfeltet
- Erfaring med utgreiing og testing er ein fordel
- Søkjar må kommunisere godt på norsk, både skriftleg og munnleg
Utdanningsretning
- Psykologi
Utdanningsnivå
- Profesjonsstudium
Personlege eigenskapar
- Gode samarbeids- og kommunikasjonsevner
- Evne til å arbeide målretta og sjølvstendig
- Liker tverrfagleg samarbeid
- God munnleg og skriftleg framstillingsevne
Vi tilbyr
- Spennande utfordringar og oppgåver
- Opplæring og rettleiing
- Fleksitidsavtale
Kontaktinformasjon
Randi Myklebust, Seksjonsleiar, 55 53 50 00
Arbeidsstad
Olav Bjordals veg 29
5111 Breistein
Søk på stillinga:Klikk her
Nøkkelinformasjon:
Arbeidsgjevar:Helse Bergen
Referansenr.:4191797700
Stillingsprosent: 100%
Fast
Søknadsfrist: 15.03.2020
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.