Nynorskpraktikant
Vil du bli journalist – her får du opplæring med lønn
Nynorsk avissenter søkjer etter deg som vil bli journalist og skrive på nynorsk.
Vi tilbyr plass for fem praktikantar i kull 20. Opplæring og praksis i journalistikk og nynorsk som mediespråk for nett, avis og sosiale medium. Praktikantkurset startar 3. januar 2023 med fire månader i Firda Media i Førde, deretter to månader journalistpraksis i sjølvvald avis i mai og juni 2023. Lønn i heile opplæringstida. Etter 19 kull har vi lært opp 83 nynorskpraktikantar sidan starten i 2013. Over halvparten av dei arbeider som journalist i dag. No ser vi etter nye talent.
Nynorsk avissenter samarbeider med NRK Nynorsk mediesenter i Førde, som driv tilsvarande opplæring for nett, radio, fjernsyn og sosiale medium. Dei lyser ut det 39. praktikantkurset med same søknadsfrist, 15. oktober.
Vi tilbyr
- Eit halvt år effektiv og intensiv opplæring i avisjournalistikk
- Fire månader praksis i Firda Media og to månader i sjølvvald avisredaksjon
- Variert trening i produksjon for nett, papir og sosiale medium
- Førelesingar i språk, presseetikk, kjeldekritikk og journalistisk metode
- Innføring i video, foto, strøyming, frontredigering, gravejournalistikk, datastøtta journalistikk
- Tett oppfølging frå erfarne journalistar og lærarar
- Attest frå Nynorsk avissenter og praksisavis
- Hjelp til å skaffe bustad i Førde
Du har
- Lyst til å skrive nynorsk og vil bli journalist
- Samfunnsinteresse og -engasjement
- Stå-på-vilje, likar utfordringar og høgt tempo
- Evne til å samarbeide og dele kunnskap med andre
- Førarkort klasse B
Vi ønskjer søkjarar frå heile landet og tek inn søkjarar med ulik bakgrunn og utdanning.
Hugs attestar og vitnemål når du søkjer. Les meir på heimesida vår.
Søk på stillingen ved å klikke på “Søk på stilling” knappen på høgre side.
Om bedriften
Stiftinga Nynorsk avissenter gir nynorskpraktikantar opplæring og praksis i journalistikk. Vi held til i Førde, med Firda som vertsavis, og tar inn fem praktikantar i halvåret. Vi samarbeider tett med NRK Nynorsk mediesenter og har fleire felles førelesingar. Føremålet vårt er å få fram nynorskbrukande journalistar med høg digital kompetanse. To av tre arbeider i dag i mediebransjen. Vi har hatt eksterne praksisplassar i aviser som Bergens Tidende, Dag og Tid, Firda, Framtida, Hallingdølen, Haugesunds Avis, Hordaland, Jærbladet, Klassekampen, Kvinnheringen, Nordhordland, Romsdals Budstikke, Sogn Avis, Stavanger Aftenblad, Sunnmørsposten, TV2, Vestnytt og Vårt Land. Opplæringa er finansiert av Kulturdepartementet og Firda Media/Amedia.