ID 1942 Sjukepleiar i mottak - Førebyggjande tenester
Førebyggjande helsetenester har ansvar for helsestasjon 0-5 år, skulehelseteneste 6-20 år, svangerskaps- og barselomsorg, fysioterapiteneste til born/ungdom, helsestasjon for ungdom, flyktninghelseteneste og smittevern/reisevaksinering. Tenesta skal fremje psykisk og fysisk helse, gode sosiale og miljømessige forhold og gjennom helsefremjande og sjukdomsførebyggjande arbeid, medverke til ei god folkehelse. Arbeidsstad vert ved i hovudsak ved mottak og helsestasjonen på Leirvik.
Det er ledig 100% vikariat som sjukepleiar til arbeid med flyktningar og asylsøkjar. Vikariatet er i tidsrommet 01.01.2023 -- 30.06. 2023
Arbeidsoppgåver:
- Samtalar og helsekartlegging på mottak og ved direkte busetjing.
- Samarbeid med relevante samarbeidspartanar på mottak, legetenesta, helsestasjon og skulehelsetenesta og andre
- Registrering og anna dokumentasjonsarbeid
Kvalifikasjonar:
- Autorisasjon som sjukepleiar
- Gjerne vidareutdanning i psykisk helse eller anna relevant utdanning
- Relevant erfaring vert vektlagt
- Søkjar må beherske norsk, munnleg og skriftleg
- Den som vert tilsett må ha førarkort
- Ved tilsetjing vert det stilt krav om at ein legg fram politiattest av ny dato
Me ønskjer ein person som:
- Er ansvarsbevisst, nøyaktig, og strukturert
- Er fagleg oppdatert og engasjert i fagleg utvikling og kunnskapsbasert praksis
- Har høg arbeidskapasitet, er påliteleg, fleksibel, og har gode kommunikasjons- og samarbeidsevner.
- Har evne til å arbeide målretta og sjølvstendig
- Det vert lagt særskilt vekt på personlege eigenskapar
Me kan tilby:
- Eit positivt og godt arbeidsmiljø med spennande arbeidsoppgåver
- Inkluderande arbeidsmiljø - IA bedrift
- Høgt faglig nivå
- Etablert tverrfagleg samarbeid
- Løn og arbeidsvilkår etter gjeldande lov- og avtaleverk
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.