Prosjektleiar ved IT-avdelinga
Om stillinga
Universitetet i Stavanger har ledig stilling som prosjektleiar ved IT-avdelinga, Seksjon for tenesteutvikling.
Seksjonen er ein viktig bidragsytar for IT-avdelinga sin ambisjon om å levere intuitive, relevante og kostnadseffektive tenester for utdanning, forsking, innovasjon og administrasjon.
Seksjonen har ansvar for å bistå med kompetanse og ressursar til interne prosjekt ved IT-avdelinga og ved UiS generelt. Prosjekta varierer i type og omfang og omfattar utvikling av eigne løysingar så vel som implementasjon av fastsette løysingar for universitet- og høgskulesektoren.
Seksjonen har og ansvar for utvikling og forvalting av verksemda sitt verktøy for prosess støtte (ServiceNow). Dette verktøyet er kjernen i IT-avdelinga sine ITIL-baserte prosessar og universitetets satsing på digitalisering av administrative prosessar. Vidare har seksjonen ansvar for teknisk støtte til interne og eksterne nettsider og ulike digitale system for effektivisering og forenkling.
Vi søker nå etter deg som har kompetanse, ferdigheiter og interesse for å jobbe med prosjektleiing frå idéfase til realisering, prosessbetring og tenestedesign.
Hovudoppgåver
- leie store og små prosjekt ved UiS i skjeringspunktet mellom organisasjon, teknologi og prosess
- kartlegge behov i samarbeid med brukarane og finne gode innovative løysingar i fellesskap
- bidra i avdelingas arbeid med kontinuerleg forbetring knytt til prosjektgjennomføring
- bidra med prosjektstøtte- og kompetanse til ulike prosjekt ved hele UiS
Kvalifikasjonar
Du må ha:
- høgare utdanning, fortrinnsvis på masternivå, gjerne innafor IKT eller ein teknisk disiplin, endringsleiing eller økonomi og administrasjon. Allsidig relevant praksis og tilstrekkeleg etter- og vidareutdanning kan kompensere for utdanningskravet.
- solid fagleg kompetanse og erfaring innanfor program- og prosjektleiing/-styring
- erfaring med buk av praktisk prosjektmetodikk; PRINCE2, Prosjektvegvisaren, PMP eller liknande
- evne til å begeistre
- gode kommunikasjonsevner på norsk og engelsk, både munnleg og skriftleg
Det er ønskeleg at den som vert tilsett også:
- har erfaring frå leiing av prosjekt basert på smidig/agil metodikk
- har erfaring med tenestedesign og Lean
- er sertifisert innanfor PRINCE2, ITIL
- har erfaring frå anbodsprosess
- kjennskap til GDPR og informasjonssikkerheit
Vidare blir det lagt vekt på at du:
- har evne til å bygge gode relasjonar til personar på alle nivå i og utanfor egen avdeling
- arbeider sjølvstendig og strukturert, og arbeider godt i team
- har stor arbeidskapasitet og gjennomføringsevne
- har evne til å sjå heile forretninga, både kunde-/brukarbehov, teknologi og relevant lov-/regelverk
Vi tilbyr
- varierte arbeidsoppgåver i ein stor organisasjon med eit viktig samfunnsoppdrag
- et ambisiøst arbeidsfellesskap og eit inkluderande arbeidsmiljø
- lønn etter Statens lønnsregulativ l.pl 90.510, kode 1113, kr 570.000 - 670.000 bto pr år. I særskilt tilfelle kan høgare lønn verta vurdert. Frå lønna vert det trekt lovfesta innskot til Statens pensjonskasse.
- medlemsskap i Statens pensjonskasse som sikrar gode pensjons- og forsikringsordningar
- meir om godar for tilsette og fordelar på våre nettsider
Mangfald
Universitetet sine verdiar er å vera uavhengig, involverande og skapande. Vi vurderer mangfald som ein ressurs i vårt arbeids- og læringsmiljø, og er opptatt av å visa respekt for kvarandre sine ulikheiter og bakgrunn. Universell utforming skal prega våre fysiske og digitale læringsmiljø, og arbeidsplassen vil om nødvendig bli lagt til rette for tilsette med nedsett funksjonsevne.
Dersom du vurderer stillinga som interessant oppmodar vi deg til å søke uavhengig av kjønn, funksjonsevne, kulturell bakgrunn eller om du har vore utafor arbeidslivet ein periode.
Universitetet vil rekruttera fleire kvinner til avdelinga og oppmodar derfor kvinner til å søke. Dersom fleire søkjarar vert vurdert til å ha likeverdige kvalifikasjonar, vil ei kvinne bli prioritert føre ein mann.
Kontaktinformasjon
Spørsmål om stillinga kan rettast til seksjonsleiar for tenesteutvikling Sigrid Dale, tlf: 45 25 51 41, e-post: sigrid.dale@uis.no eller til IT-direktør Sjur Bjerke, tlf: 95 29 41 10, e-post: sjur.bjerke@uis.no.
Spørsmål om tilsetjingsprosessen kan rettast til HR-konsulent Annette Falch Lothe, tlf: 51 83 13 61, e-post: annette.f.lothe@uis.no.
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning, arbeidserfaring og språkferdighetar registrert. I søknadsbrevet må du få fram din kompetanse og motivasjon for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg til søknaden. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman må dei komprimerast før opplasting.
Søknaden vert vurdert ut frå informasjon som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skreve om over.
Vi gjer òg merksame på at opplysningar om søkjar kan verta offentleggjorde sjølv om søkjer har bedd om ikkje å verta oppført på offentleg søkjarliste, jf offentleglova § 25. Dersom ditt ønskje ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
Om bedriften
UiS - vi vil utfordre det velkjente og utforske det ukjente
Universitetet i Stavanger (UiS) har omlag 12 000 studentar og 1.900 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.