Kommunalsjef for samfunnsutvikling -- 100% fast stilling
Bømlo kommune har ledig 100% fast stilling som kommunalsjef for samfunnsutvikling. Bømlo kommune er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Me ynskjer oss rause, modige og engasjerte medarbeidarar.
Ansvarsområde:
Stillinga som kommunalsjef samfunnsutvikling inngår i kommunedirektøren si strategiske leiargruppa og vil ha ansvar for arealbruk, eigedom, tekniske tenester, samt nærings- og samfunnsutvikling. Det operative ansvaret for utarbeiding og oppfølging av kommuneplanen sin samfunns- og arealdel ligg også til stillinga.
Arbeidsoppgåver:
- Bidra til utvikling og innovasjon innanfor eige område og på tvers av kommunen sine tenesteområde og i regionen vår
- Leiing og oppfølging av tilhøyrande einingar og fagområde
- Saksførebuing og oppfølging av administrative og politiske vedtak
Kvalifikasjonar:
- Relevant høgare utdanning og erfaring med samfunnsutvikling
- Erfaring med prosjektleiing og overordna planprosessar
- Kjennskap til plan- og bygningslova
- Kjennskap til tekniske tenester
- Erfaring frå arbeid med offentleg planlegging og samfunnsutvikling
- Leiarerfaring, gjerne frå offentleg sektor
Personlege eigenskapar:
- Du trivst med ein hektisk kvardag og evnar å prioritera det som er viktigast
- Fagleg tyngde kombinert med gode skriftlege og munnlege evner
- Du jobbar godt i team og åleine
- Du har god relasjonskompetanse og bidreg til samhandling på tvers av organisasjonen
- Du ser verdien av endring og ser viktigheita av å få alle med i endringsprosessar
Me tilbyr:
- Ein spanande jobb med varierte arbeidsoppgåver, der du får vere med og utvikle eit lokalsamfunn
- Moglegheit for personleg og fagleg utvikling
- Fleksibel arbeidstid
- Konkurransedyktige løns- og avtalevilkår
- Medlemskap i kommunen sine pensjons- og forsikringsordningar
Kontaktperson: personalsjef Vanja Espeland - 480 17 825.