Rådgivar - trainee
Stillingsannonsen er inaktiv.Statsforvalteren i Møre og Romsdal
Molde
Den viktigaste samfunnsoppgåva til norsk landbruk er å sikre trygg og variert mat av god kvalitet. Landbruket medverkar òg til desentralisert busetjing og næringsliv over heile landet, samt miljøgode som bevaring av biologisk mangfald, kulturlandskap og karbonlagring i skogen og jorda.
Statsforvaltaren løyser ei rekke oppgåver innan landbruks- og matområdet i Møre og Romsdal. For å styrke vårt utviklingsretta arbeid lyser vi no ut ei traineestilling. Den som vert tilsett vil kunne få oppgåver innanfor følgjande aktivitetsområde; frukt/bær/grøntproduksjon, økologisk landbruk, urbant landbruk, landbruk og klima, landbruk og vassmiljø. Tyngdepunktet av arbeidet vil verte tilpassa kvalifikasjonane til den som vert tilsett.
Vi søker etter deg som har
• minimum bachelorutdanning innan landbruksfag eller annan relevant høgare utdanning.
• uttrykker deg klart både munnleg og skriftleg.
• evne til å ta initiativ og likar å jobbe sjølvstendig.
• har gode samarbeidsevner.
• likar å arbeide med folk.
- engasjement i to år
- godt fagmiljø
- løn som 1434 rådgivar med aktuell lønsplassering i staten sitt lønsregulativ ut frå kvalifikasjonar, erfaring og lokal lønspolitikk.
- fleksibel arbeidstid og medlemskap og pensjonsordning i Statens pensjonskasse med gode forsikrings- og låneordningar. Frå løna vert trekt 2 % pensjonsinnskott til pensjonskassa.
- tilsetting etter gjeldande lover, instruksar og reglement. Dei første seks månadane er prøvetid.
Vi brukar som hovudregel nynorsk som skriftspråk. Den som vert tilsett må beherske norsk både skriftleg og munnleg. Utviklinga av organisasjonen vår er ein kontinuerleg prosess, og den som vert tilsett må vere open for endringar i organisering, oppgåver og ansvarsområde.
Spørsmål om stillinga
Direktør Frank Madsøy, tlf. 71 25 84 03/971 71 493, e-post fmmrfrma@statsforvalteren.no
Ass. direktør Brit Kari Eidseflot Hauger, tlf 71 25 84 69/ 970 82 965, e-post brkha@statsforvalteren.no
Meir informasjon om Statsforvaltaren i Møre og Romsdal finn du på www.statsforvaltaren.no/mr
Du må søkje elektronisk gjennom rekrutteringsportalen til JobbNorge. Link til denne ligg på heimesida vår og på NAV sine sider. Vi ber om at du lastar opp vitnemål/ karakterutskrifter (gjerne direkte frå Vitnemålsportalen) og relevante attestar.
Vi gjer merksam på at søkjarlista kan bli offentleg sjølv om søkjar ber om anonymitet jf. offentleglova § 25. Søkjar vil bli orientert om dette på førehand. Søkjarar som ønskjer å vere unntatt offentlegheit, må grunngje dette særskilt.
Spesielt for denne stillinga:
Stillinga er ein del av traineeprogrammet i staten og er forbeholdt personar med nedsett funksjonsevne og/eller hol i CV-en, og høgare utdanning. For å bli vurdert til stillinga, må du bekrefte at du er i målgruppa ved å krysse av for nedsett funksjonsevne og/eller hol i CV-en i søkarportalen.
Søkarar med nedsett funksjonsevne må bekrefte at dei har ei funksjonsnedsetting som vil krevje tilrettelegging på arbeidsplassen og/eller i arbeidsforholdet. Vidare må den nedsette funksjonsevna ikkje vere forbigåande og/eller skyldast forhold som ikkje påverkar funksjonen i nemneverdig grad.
Søkarar med hol i CV-en skal bekrefte at dei på søknadstidspunktet har vore utanfor arbeid, utdanning eller opplæring i minst to av de siste fem årene. Fråværet må ha vore ufrivillig.
Som del av traineeprogrammet vil den som vert tilsett automatisk delta i eit obligatorisk medarbeidarutviklingsprogram. Sjå meir informasjon om traineeprogrammet her: Til deg som ønskjer å bli tilsett gjennom traineeprogrammet
Vi gjer merksam på at kryss i felt for nedsett funksjonsevne eller hol i CV-en vil danne grunnlag for anonymisert statistikk som alle statlege verksemder rapporterer i sine årsrapportar.
Om arbeidsgiveren
Arbeidsgiver
Statsforvalteren i Møre og Romsdal
Adresse
Julsundvegen 9, 6412 Molde
Statsforvaltaren er den fremste representanten for staten i fylket, og skal arbeide for å følgje opp Stortinget og Regjeringa sine mål og retningsliner. Arbeidsoppgåvene dekkjer eit vidt arbeidsfelt og omfattar mellom anna tilsyn med kommunane sin økonomi og forvaltning, sosialfaglege og familierettslege saker, samfunnstryggleik og beredskap og oppgåver innan sektorane helse, utdanning, landbruk og miljøvern.
Statsforvaltaren skal òg samordne anna statleg forvaltning i fylka og ta del i samarbeid og samhandling mellom stat, fylkeskommunar og kommunar. Statsforvaltaren er administrativt underlagd Kommunal- og moderniseringsdepartementet, og utfører oppgåver for ei rekkje departement og direktorat.
Om stillingen
Stillingstittel
Rådgivar - trainee
Antall stillinger
1
Heltid/deltid
Heltid
Sektor
Offentlig
Sist endret: 30. mai 2021
Hentet fra: AMEDIA
Referanse: 3818164
Stillingsnummer: 2f56d68e-889f-47f2-a0f4-d4681eef7df7