Fast helgestilling for studentar i utdanningsløp innan sjukepleie, psykologi eller medisin
Org. nr: - Stillingsident: 4390404956 Presentasjon av stillingen:
Psykiatrisk Klinikk er ein av seks klinikkar i Divisjon psykisk helsevern. Klinikken er lokalisert på Sandviken sjukehus og Haukelandsområdet. Klinikken er delt inn i seks avdelingar; Avdeling stemningslidingar, Psykiatrisk akuttmottak (PAM), Avdeling spesialisert psykosebehandling (ASP), Avdeling spiseforstyrringar, Avdeling psykosomatisk medisin og Avdeling alderspsykiatri. Avdeling alderspsykiatri består av Seksjon for ECT og Seksjon for alderspsykiatri.
Seksjon for alderspsykiatri utgreiar og behandlar pasientar med alvorlege psykiske lidingar som debuterer etter fylte 65 år. Alderspsykiatriske lidingar er kjenneteikna ved at det er nær samanheng mellom psykiatrisk og somatisk sjukdom, og psykiatrisk sjukdom og biologiske, psykologiske eller sosiale aldringsfenomen. Døme kan vere alvorleg depresjon, psykose, invalidiserande angstliding og akutt forvirringstilstand.
Seksjonen har ei døgneining med 12 sengeplassar, der 8 senger er i ei open eining og 4 senger er i ei lukka eining. Seksjonen har i tillegg polikliniske og ambulante tenester. Seksjonen er no lokalisert i Glasblokkene på Haukeland universitetssjukehus.
Seksjonen har ledig ei fast helgestilling i sengepost for pleieassistent med arbeid pt. i todelt turnus kvar 3.helg. Variasjon i planlagd helgerytme kan førekome og ein må pårekne arbeid på enkelte høgtidsdagar.
Arbeidsoppgåver
- Oppfølging av pasientar i tråd med eksisterande behandlingsplanar
- Tilrettelegge for aktivitetar og delta i desse saman med pasientane
- Praktiske oppgåver knytt til den daglege drifta
- Dokumentere og rapportere observasjonar og utførte tiltak under rettleiing
Kvalifikasjonar
- Student i utdanningsforløp innan sjukepleie, psykologi eller medisin er eit minimumskrav
- Musikkterapistudentar og fysioterapistudentar kan også søkje
- Erfaring frå helsearbeid med pasientkontakt innan geriatri/psykiatri er ei føremon
- Må meistre norsk flytande, munnleg og skriftleg. Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad
- God IKT-kompetanse
- Det blir lagt vekt på at du er personleg eigna for stillinga spesielt med tanke på haldningar, motivasjon og kommunikasjon
Utdanningsretning
- Sjukepleie
- Helsefag
- Vernepleie
- Medisin
Utdanningsnivå
- Høgskule/universitet, årsstudie / grunnfag
Personlege eigenskapar
- Du kommuniserer og samarbeider godt med pasientar, pårørande og kollegaer
- Du tar personleg ansvar for at oppgåver blir gjort
- Du søkjer aktivt råd og rettleiing og kjenner eigen kompetansegrense
- Du arbeider strukturert, men har samstundes evne til å vere fleksibel
Language
- Norsk
Vi tilbyr
- Eit inkluderande, tverrfagleg kollegie med spesialisert fagkompetanse
- Kurs i MAP (møte med aggresjonsproblematikk)
- Moglegheit for oppbygging av unik erfaringskompetanse
- Lønn i samsvar med gjeldande overeinskomst
Kontaktinformasjon
Turid Vetaas, Avdelingssjef, 55 97 45 15
Carina Orvedal Lønne, Kst seksjonsleiar, 55 97 45 35
Arbeidsstad
Haukelandsbakken 15
5009 Bergen
Søk på stillinga:Klikk her
Nøkkelinformasjon:
Arbeidsgivar:Helse Bergen
Referansenr.:4390404956
Stillingsprosent: 15%
Fast
Startdato: 07.06.2021
Søknadsfrist: 27.05.2021
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.