Ledig stilling som økonomisjef
Green Yard Kleven i Ulsteinvik søker etter økonomisjef. Hovudoppgåva vil vere å leie arbeidet på økonomiområdet og vere ansvarleg for prosessar og leveransar knytt til budsjett, prognoser og rapportering, og sørge for gode økonomiske prioriteringar og økonomisk styring. Vår nye økonomisjef vil vere ein viktig bidragsytar når det gjeld utvikling og effektivisering av det økonomiske arbeidet.
Green Yard Kleven er inne i ei spanande tid med utvikling av nye forretningsområder og omstilling. Vår nye økonomisjef vil få ei sentral stilling i verftet med plass i leiargruppa, og kjem i ein spanande posisjon med gode moglegheiter for utvikling og påverknad.
Som økonomisjef i Green Yard Kleven skal du samarbeide med interne ressursar på verftet i Ulsteinvik og med CFO for Green Yard Group. I tillegg blir det tett dialog med eksterne samarbeidspartnarar. Stillinga rapporterer til administrerande direktør i Green Yard Kleven.
Arbeidsstad er Green Yard Kleven i Ulsteinvik.
Arbeidsoppgåver:
- Ansvar for økonomistyring/ -rapportering og årsregnskap
- Utarbeide og følge opp budsjett og løpande prognoser
- Likviditetsstyring
- Vidareutvikle struktur og rutiner for å sikre økonomisk kontroll
- Ansvar for økonomisystem
- Superbruker for relevante programvarer
- Ad hoc-oppgåver
Kvalifikasjoner:
- Høgare utdanning innan økonomi eller finans. Relevant erfaring kan erstatte dette
- Erfaring som økonomisjef, controller eller revisor
- Prosjekterfaring
- Gode IT-kunnskapar / Interesse for bruk av digitale løysingar
- Kjennskap til Navision er ein fordel
- Beherske norsk og engelsk, både skriftleg og munnleg.
Personlege eigenskapar:
- Du jobbar systematisk og effektivt
- Trygg og stødig i faget
- Du er initiativrik, positiv og sjølvgåande
- Løysingsorientert
- Som person er du samarbeidsvillig, fleksibel og trivast med å jobbe i team
Vi tilbyr:
- Konkurransedyktige lønns- og arbeidsvilkår
- Moglegheit til å jobbe med trivelege og fagleg dyktige kollegaer
- Godt og inkluderande arbeidsmiljø
- Spanande og fagleg utfordrande arbeidsoppgåver
- Konkurransedyktige pensjons- og forsikringsordningar
Om bedriften
Skipsverftet Green Yard Kleven AS i Ulsteinvik er saman med søsterverftet Green Yard Feda på Angholmen ein del av Green Yard Group. Green Yard Kleven tilbyr heile livsløpet til skip: Nybygg, reperasjonar, ombygging og resirkulering av skip. Verftet er ISO-sertifisert innan miljø og kvalitet. Vi har dyktige og erfarne skipsbyggarar på alle nivå med kunnskap i verdsklasse, og derfor er dei tilsette vår viktigaste ressurs og verdi.
Green Yard Kleven ligg i Ulstein kommune midt mellom sunnmørsalpane og havet. Likar du å gå på fjellet, gå på ski, eller å bruke sjøen? Her får du alt! Tilgangen til natur- og friluftsaktivitetar er veldig god i vårt nærområde. I tillegg har vi eit velorganisert idretts- og kulturliv i regionen. Verftet ligg sentralt til med gode pendlarmoglegheiter.