Barnevernkurator/kontaktperson 100% fast stilling
Eining Barn og familie er ei av 21 einingar i sektor oppvekst. Eininga er delt opp i fem avdelingar; barnevern, PPT, helsestasjon, avdeling tiltak og ressurs og Villatoppen avlastningsbustad. Eininga held til på Husnes tenestesenter.
Omtale av stillinga
Er du ein engasjert og dyktig fagperson med interesse for å arbeide i det kommunale barnevernet har vi ledig stilling til deg.
Barnevernstenesta i Kvinnherad har ledig 100% fast stilling som barnevernskurator/kontaktperson med oppstart snarast.
Barneverntenesta er organisert i Eining Barn og familie. Barneverntenesta er inndelt i fire team; undersøking, oppfølging, omsorg og tiltak, og har 20 tilsette og barnevernleiar. Kommunen har barnevernvaktordning.
Oppvekstreforma har gitt større ansvar til kommunalt barnevern, samt at det førebyggande arbeidet i kommunen skal styrkast og samordnast. Barneverntenesta er stadig i utvikling og endring, og dersom du blir tilsett hos oss kan vi love deg ein spennande jobb med gode moglegheiter for fagleg utvikling.
Hovudarbeidsoppgåver for stillinga:
- Sakshandsaming etter barnevernlova
- Undersøking av bekymringsmeldingar
- Oppfølging av barn og unge og deira familiar
- Samarbeid med andre hjelpeinstansar
- Møte som partsrepresentant i Fylkesnemnda og andre rettsinstansar
- Journalføre og dokumentere via fagsystemet
Kvalifikasjonar
Utdanningskrav: 3 årig sosialfagleg høgskuleutdanning.
- Ynskjeleg med erfaring frå kommunal barnevernsteneste
- Ynskjeleg med relevant vidareutdanning. Dersom ein ikkje har relevant vidareutdanning må ein pårekne å ta vidareutdanning dei næraste åra, jamfør nye lovkrav.
- Kjennskap til verktøy og metodar i barnevernfagleg arbeid
- God norskkunnskap
- God skriftleg og munnleg framstillingsevne
- God datakunnskap
Personlege eigenskaper
- Personlege eigenskapar vert vektlagt ved tilsetjing
- God samarbeidsevne, god kommunikasjon og evne til å vere ein relasjonsbyggja
- At ein er eigna for arbeid med foreldre, barn og ungdom
- Evne til å arbeide effektivt, sjølvstendig, målretta og strukturert
- Evne til fleksibilitet og endring
- Kan handtera arbeidspress og stor arbeidsmengd
- Vere opptatt av å bidra til eit godt arbeidsmiljø
Den som vert tilsett må ha sertifikat og disponere bil. Eininga har i tillegg bilar til disposisjon.
Ved tilsetjing vert det stilt krav om gyldig politiattest.
Vi tilbyr
- Tilsetjing skjer etter gjeldande vilkår for kommunale arbeidstakarar i samsvar med HTA og AML.
- Pensjonsordning, ulykkes- og gruppelivsforsikring gjennom KLP.
- Kvinnherad kommune er ei IA-verksemd.
- Dekning av flytteutgifter etter nærare reglar
- Gode arbeidstilhøve i eit godt arbeidsmiljø.
- Eit fagmiljø som har søkjelys på fagleg og personleg utvikling.
- Utfordrande og varierte arbeidsoppgåver.
- Fokus på kompetanseheving.
- Fleksibel arbeidstid.
- Det må påreknast noko ettermiddags- og kveldsarbeid.
- Intern og ekstern rettleiing.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Link til søknadsskjema: Send søknad