Spesialergoterapeut/ergoterapeut

Seksjon for Fysikalsk medisin og rehabilitering har ledig vikariat 80% stilling for spesialergoterapeut/ergoterapeut frå snarast.

Ved rehabiliteringssengeposten gir vi spesialisert rehabilitering til pasientar frå heile fylket. Diagnosegruppene er traumatiske hjerneskadar, hjerneslag, nevrologiske lidingar, ryggmargsskade, komplekse multitraumer og amputasjonar. Jobben vil bestå av oppfølging av pasientar innlagt i sengeposten.

Vi søkjer ein engasjert medarbeidar som likar faglege utfordringar og har gode evner til samarbeid. Du må like å arbeide sjølvstendig og tverrfagleg. Vi ønskjer medarbeidarar som er opptekne av høg fagleg standard og som aktivt kan bidra til å utvikle kvaliteten på tverrfaglege tilbod. Vi ser etter deg som har erfaring med arbeid med våre pasientgrupper. Personleg eignaheit i forhold til samarbeid, kvalitet og arbeidsmiljø vil bli særskilt vektlagt.

Vi håpar å høyre frå deg!

Sjå også gjerne innom vår instagram konto: Fysmed_alesund_hmr.

Vi ber om at attestar og vitnemål vert lasta opp som vedlegg til søknaden din.

Arbeidsoppgåver

• Kartlegge, planlegge, utføre og evaluere ergoterapeutiske tiltak i høve til pasienten sine behov
• Kartlegging/trening av handfunksjon, kartlegging/trening i ADL-funksjonar, kartlegging av kognitiv funksjon, søknad og tilpassingar på tekniske hjelpemiddel, bustadutbetring og bilsøknad
• Gruppe- og individuell behandling
• Delta i tverrfagleg team om oppgåver og behandling rundt pasient
• Utveksling av informasjon og samarbeid med pasientar, pårørande og lokale instansar
• Initiere og bidra til fagleg utvikling i avdelinga samt undervisning til pasientar, pårørande, kollegaer og studentar
• Noko arbeid på ettermiddag/kveld kan påreknast

Kvalifikasjonar

• Norsk autorisasjon som ergoterapeut, ergoterapistudentar på 3. året kan også vurderast
• Krav om særs god meistring av norsk, både skriftleg og munnleg
• Erfaring frå vår pasientgruppe, spesielt innan ryggmargskade, amputasjon, nevrologi og erverva hjerneskade, vil vere ein fordel
• Erfaring med tverrfagleg samarbeid er positivt
• Teknologisk kompetanse, spelteknologi og interesse for å ta i bruk digitale verktøy/hjelpemiddel er ein fordel
• Positivt med erfaring innan søknad på hjelpemiddel

Personlege eigenskapar

• Gode evner til kommunikasjon og samarbeid
• Sjølvstendig og trygg i rolla som ergoterapeut
• Serviceinnstilt, pasientorientert og fleksibel
• Målretta og løysingsorientert
• Trivst med å jobbe i tverrfagleg team

Å vere personleg eigna vert vektlagt ved tilsetting.

Vi tilbyr

• Utfordrande og varierte arbeidsoppgåver i eit bredt og engasjert tverrfagleg miljø
• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her.

Kontaktinformasjon

Gro Westnes Lindin, Seksjonsleiar, +47 70105751, Gro.Westnes.Lindin@helse-mr.no

Arbeidsstad

Åsehaugen 5
6017 Ålesund

Nøkkelinformasjon:

Arbeidsgivar: Helse Møre og Romsdal HF

Referansenr.: 4881989138
Stillingsprosent: 80%
Vikariat
Søknadsfrist: 12.12.2024