Rosendal skule - avdelingsleiar Malmanger barneskule
Omtale av stillinga
Rosendal skule består av Malmanger og Mauranger barneskule og Rosendal ungdomsskule. Eininga har ansvaret for om lag 300 born og ungdomar.
Malmanger skule har 136 elevar og 25 tilsette.
Vi søkjer
Stillinga som avdelingsleiar ved Malmanger skule er 100 % stilling, om lag 70 % er leiing/administrasjon, resten er undervisning og andre oppgåver.
Avdelingsleiar har ansvar for dagleg drift og personalleiing, og medansvar for fagleg/pedagogisk utvikling. Avdelingsleiar er dagleg leiar i avdelinga og har fullmakter til å fatte avgjerd i tråd med skulen sine planar/rutinar og leiarfilosofi.
Arbeidsoppgåver
Medansvar for samla leiing i eininga.
Pedagogisk leiing i avdelinga. Kvalitetssikring og oppfylging av læringsarbeidet. Sikre at opplæringa føregår etter læreplanen og at alle elevar har tilfredsstillande utbytte av opplæringa.
Personalansvar. Personalleiing og --utvikling. Medarbeidarsamtalar.
Dagleg drift i avdelinga. Timeplan, samordning mellom trinna, prøveadministrasjon, elevadministrasjon.
Kvalifikasjonar
Søkjar må ha:
- godkjent lærarutdanning.
Det er ynskjeleg med søkjarar som har:
- leiarutdanning og/eller leiarerfaring.
- God evne til munnleg og skriftleg framstilling.
- God kunnskap om IKT.
Personlege eigenskaper
Vi søkjer etterein klok og ambisiøs leiar som:
- ser og verdset dei gode sidene hos både elevar og tilsette.
- verdset framgong og utvikling, og har eit positivt elevsyn og eit breidt kunnskapssyn
- har høg arbeidskapasitet og forventar meir av seg sjølv enn sine medarbeidarar
- har god evne til kommunikasjon, både i gode og vonde dagar
- har god systemforståing og endå betre menneskeforståing.
Vi tilbyr
Tilsetjing skjer etter gjeldande vilkår for kommunale arbeidstakarar i samsvar med HTA og AML.
Pensjonsordning, ulykkes- og gruppelivsforsikring gjennom Storebrand.
Kvinnherad kommune er ei IA-verksemd.
Gode arbeidstilhøve i eit godt arbeidsmiljø.
Dekning av flytteutgifter etter nærare reglar.
Søknad vert å senda
Kvinnherad kommune oppfordrar til å søkja elektronisk (godkjende vitnemål og attester tar ein med på evt. intervju). Normalt vil søkjar sitt namn bli offentlegjort i postjournal og offentleg søkjarliste. Dersom du ønskjer at søknaden ikkje skal verte offentleggjort må du grunngje dette. Vi gjer merksam på at opplysningar om søkjarane likevel kan verta offentleggjorde, jf. Offentleglova § 25. Du vil då verte varsla om dette på førehand slik at du har høve til å trekkje søknaden din.
Innsendte vitnemål og attestar blir ikkje returnert.
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Om bedriften
Kvinnherad kommune har 13.100 innbyggjarar.Kommunen ligg i Sunnhordland, mellom Bergen, Haugesund og Odda. Rosendal er administrativt senter, Husnes er største tettstaden og har vidaregåande skule og handelssenter. Kvinnherad har eit mangfaldig kulturliv. Sjø, skjærgard, fjell og bre gjev naturtilhøve for friluftsliv heile året.