Sjukepleiar eller Vernepleiar til fast stilling på natt
Org. nr: - Stillingsident: 4137944643 Presentasjon av stillingen:
Bjørgvin DPS er ein moderne og veldriven klinikk i Divisjon psykisk helsevern, Haukeland universitetssjukehus. Klinikken gjev spesialisthelsetenester til bydelane Åsane og Arna i Bergen, Osterøy kommune og kommunane i Nordhordland; til saman 77 000 vaksne. Bjørgvin DPS har til saman 150 årsverk og eit budsjett på 142 mill. kr for 2019. Døgntilbod er lokalisert på Tertnes, medan polikliniske tenester vert gitt både i Knarvik og på Tertnes.
Bjørgvin DPS sine kjerneoppgåver er:
- spesialisert utgreiing og differensiert behandling
- opplæring av pasientar og pårørande
- rettleiing til psykisk helsearbeid i kommunane
- forsking, kvalitetsutvikling, utdanning av helsepersonell
Senteret har ei stabil og erfaren behandlargruppe som samarbeider på tvers av fagområda. Vi legg til rette for kompetanseheving og etterutdanning for spesialistar, og vi har fokus på forsking. Samarbeid med sjukehus, kommunar og brukarorganisasjonar er høgt prioritert.
Fagområde allmennpsykiatri består av poliklinikk på Tertnes og i Knarvik, seksjon for eMeistring og døgnseksjon C1. Poliklinikkane har allmennteam, akutt ambulant team, gruppebehandling og DBT team. Fagområdet har til saman 7 overlegar, inntil 4 LIS, 15 psykologspesialistar samt psykologar, sjuke- og vernepleiarar, sosionomar, fysioterpeut, musikk og biletterapeut.
Døgnseksjonen C1 har 15 sengeplassar der 6 plassar er open frå måndag til fredag. C1 er bemanna med overlege, psykologspesialist, lege i spesialisering, turnuskandidat, psykolog i utdanning og 2 sosionomar i tillegg til erfarne miljøterapeutar med høgskuleutdanning. Døgnposten fungerer som ein open akuttavdeling for opptaksområdet.
Vi søkjer etter Sjukepleiar til 100% fast stilling som nattevakt ved seksjon C1 - Tertnes døgnbehandling.
Arbeidsoppgåver
- Du vil delta i eit tverrfagleg samarbeid for å gje pasientar best mogleg opphald på avdelinga
- Pasientoppfølging
Kvalifikasjonar
- Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten, eller annan norsktest på B2-nivå. Dokumentasjon må leggjast ved søknad (gjeld berre for helsepersonell)
- Norsk autorisasjon som sjukepleiar
Utdanningsretning
- Sjukepleie
Personlege eigenskapar
- Du bidrar positivt til eit fagleg og kollegialt godt miljø
- Du har god fagleg vurderingsevne, arbeider målretta og strukturert
- Du er punktleg og påliteleg
- Du er målretta, og får oppgåvene gjort
- Du behandlar pasientar profesjonelt og empatisk, er imøtekomande og viser respekt
- Viser fagleg tryggleik, tillit og respekt
- Du har gode samarbeidsevner, er arbeidsvillig og initiativrik
Vi tilbyr
- Lønn i samsvar med gjeldande overeinskomst
- Eit aktivt og triveleg arbeidsmiljø
- Eit meiningsfylt arbeid som gjev personleg utvikling
Kontaktinformasjon
Audun Håvik, Seksjonsleiar, 55957000
Arbeidsstad
Tertnesvegen 37
5113 Tertnes
Søk på stillinga:Klikk her
Nøkkelinformasjon:
Arbeidsgivar:Helse Bergen
Referansenr.:4137944643
Stillingsprosent: 100%
Søknadsfrist: 16.10.2019
Om bedriften
Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.