PPT rådgivar - kontorstad Stord
Stillingsannonsen er inaktiv.OPK - Rettleiingstenesta 2 Vestland sør (Odda/Stord), Vestland fylkeskommune
Sæ 21, 5417 Stord
Org. nr: 876246732 Stillingsident: 4455957671 Presentasjon av stillingen:
Rettleiingstenesta er ei brukarnær teneste i vidaregåande opplæring i Vestland fylkeskommune. Primæroppgåva til tenesta er å leggje til rette for at flest mogleg ungdom og vaksne fullfører vidaregåande opplæring. Vi har eit nært samarbeid med skulane, kommunar, NAV og andre aktuelle instansar. Vi skal bidra til lærelyst og fremje læring for elevar og lærlingar. Dette gjer vi gjennom å følgje opp elevar, lærlingar, støtte ungdom utanfor opplæring, rettleie vaksne og yte pedagogisk-psykologiske tenester. Tenesta består av eit tverrfagleg team innan fagfelta pedagogisk-psykologisk teneste (PPT), oppfølgingstenesta (OT), fagopplæring og vidaregåande opplæring for vaksne.
Rettleiingstenesta Vestland sør dekkjer kommunane Fitjar, Tysnes, Stord, Bømlo, Sveio, Etne, Kvinnherad og Ullensvang. Vi har kontorstad i Leirvik sentrum og ved Odda vidaregåande skule.
Vi har ledig fast stilling som rådgivar innan PPT med kontorstad i Leirvik sentrum.
Arbeidsoppgåver
- PPT skal hjelpe skular i arbeidet med kompetanse- og organisasjonsutvikling for å leggje opplæringa betre til rette for elevar med særskilte behov.
- Utarbeide sakkunnig vurdering.
- Gjennomføre systemarbeid og arbeide førebyggjande.
- Gjennomføre kartlegging innan ulike lærevanskar.
- Samarbeide tverrfagleg internt i tenesta og eksternt med våre samarbeidspartnerar.
- Gi rettleiing og arrangere kurs.
- Andre arbeidsoppgåver innanfor tenesta kan bli lagt til stillinga.
Kvalifikasjonar
- Utdanning på høgare nivå, fortrinnsvis innan spesialpedagogikk eller psykologi.
- Personlege eigenskapar og særleg relevant erfaring kan kompensere for utdanningskravet.
- Erfaring frå PPT er ønskeleg.
- Kjennskap til vidaregåande opplæring.
- God munnleg og skriftleg framstillingsevne.
- Det er ønskeleg at du har kartleggings- og utgreiingskompetanse.
- Førarkort klasse B.
Personlege eigenskapar
- Du er løysingsorientert, strukturert og har stor interesse for fagleg utvikling.
- Du har gode samarbeidsevner, er fleksibel og har evne til å byggje gode relasjonar.
- Personlege eigenskapar vert vektlagt.
Vi tilbyr
- Eit trygt og godt arbeidsmiljø.
- Utfordrande og varierte arbeidsoppgåver i eit tverrfagleg arbeidsfellesskap.
- Stillingsnemning konsulent/rådgjevar/seniorrådgivar etter kvalifikasjonar og erfaring.
- Løns- og arbeidsvilkår i samsvar med gjeldande avtalar i Vestland fylkeskommune.
- Gode forsikrings- og pensjonsvilkår.
Andre opplysingar
- Administrasjonsmålet i fylkeskommunen er nynorsk.
- Alle nytilsetjingar vert gjort med ei prøvetid på 6 månader.
- Det er krav om politiattest før tilsetjing.
Vi gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
Kontaktinformasjon
Ragnhild Ravna Skjærvik, leiar, 41432387
Arbeidssted
Sæ 21
5417 Stord
Søk på stillingen:Klikk her
Nøkkelinformasjon:
Arbeidsgiver:Vestland fylkeskommune
Referansenr.:4455957671
Stillingsprosent: 100%
Fast
Startdato: 16.02.2022
Søknadsfrist: 02.01.2022
Om arbeidsgiveren
Arbeidsgiver
OPK - Rettleiingstenesta 2 Vestland sør (Odda/Stord), Vestland fylkeskommune
Adresse
Sæ 21, 5417 Stord
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg. Lokalsamfunna er ramma for gode kvardagsliv som gjev like mogelegheiter til å delta i verdiskaping i heile Vestland. Fylkestinget er øvste politiske organ i fylkeskommunen.
Om stillingen
Antall stillinger
1
Oppstart
16. februar 2022
Heltid/deltid
Heltid
Sektor
Ikke oppgitt
Sist endret: 3. januar 2022
Hentet fra: webcruiter
Referanse: 4455957671_OPK - Rettleiingstenesta 2 Vestland sør (Odda/Stord), Vestland fylkeskommune_webcruiter
Stillingsnummer: 26b910e1-152b-4feb-bdf0-d16ca3611e3d