Byggjesakshandsamar/ingeniør
Org.nr.: 964967458 Stillingsident: Presentasjon av stillingen :
Solund kommune har ledig 100% fast stilling som byggjesakshandsamar/ingeniør ved eining for plan og utvikling
Plan og utvikling har ansvar for sakshandsaming av plan- og byggjesaker, kart- og oppmålingstenester, landbruksforvaltning, VAR-området, bygg og anlegg, utbyggingsprosjekt, beredskap og utviklingsretta arbeid.
Stillinga sitt hovudarbeids- og ansvarsområde:
• Sakshandsaming etter plan- og bygningslova og forurensningslova med tilhøyrande regelverk som veglov, lov om brannvern, hamner og farvatn m.v.
• Dispensasjonar og prinsipelle saker med førebuing til administrativ og politisk handsaming
• Ajourhald og forbetring av fagsystem som matrikkel, komtek m.v.
• Dialog med publikum og næringsliv
• Utvikling og fornying av saksområdet, m.a. innføring elektronisk byggjesakshandsaming
• Ta del i eininga sine beredskapsoppgåver innan brann, akutt ureining m.m.
• Andre oppgåver ved eininga etter behov.
Hovudansvarsområdet kan verte endra.
Kvalifikasjonar:
• Treårig utdanning frå høgskule eller universitetsnivå innanfor relevant fagområde.
• God kjennskap til plan og bygningslova og byggteknisk forskrift
• Gode datakunnskapar og evne til å forenkle med digitale løysingar vert vektlagt
• Relevant erfaring frå privat eller offentleg sektor er ynskjeleg, men ein oppfordrar og nyutdanna til å søkje
• Gode norskkunnskapar med god skriftleg og munneleg framstillingsevne
• Førarkort klasse B
Personlege eigenskaper:
• Evne til raskt å setje seg inn i saker og nye utfordringar
• Vere målretta, ansvarsfull og løysingsorientert
• Kunne arbeide sjølvstendig og ha god gjennomføringsevne
• Gode samarbeidsevner
• Det vert lagt vekt på personlege eigenskapar ved tilsetjing.
Solund kommune kan tilby:
• Faglege utfordringar og sjølvstendige oppgåver
• Ei interessant stilling med gode utviklingsmoglegheiter
• Løn etter avtale.
• Pensjonsordning i KLP
• Tilsetjing etter hovudtariffavtalen
Solund kommune hjelper til med å skaffe bustad. Det er 6 månader prøvetid i stillinga.
Spørsmål om stillinga kan rettast til : Einingsleiar Terje Drengenes 97176822, e-post terje.drengenes@solund.kommune.no
Søknadsfrist: 15.06.2020
Solund kommune har tatt stilling til marknadsføring av stillinga, og ynskjer berre kontakt med søkjarar. Link til søknadsskjema: Send søknad For mer informasjon kontakt: , Terje Drengenes, Tlf: +47 57786213, Epost: terje.drengenes@solund.kommune.no
Om bedriften
Solund er eit øyrike ytst i Sognefjorden. Folketalet aukar og vi er no om lag 830 innbyggjarar. Vi har gode kommunikasjonar til fastlandet, inkl. hurtigbåt til Bergen.
Sjøen er ein del av både sjela og landskapet i Solund. Aktivitetar knytt til sjøen er mange og rett utanfor døra, enten det er båtliv, kajakkpadling eller fiske. På nybygde Solund Idrettspark finn du kunstgrasbane, friidrettsanlegg, skatepark, discgolfbane og klatreanlegg. Vi har òg idrettshall med symjebasseng, eit aktivt skyttarlag, kulturskule og mykje meir. Merka turstiar finn du rundt om i heile kommunen.
I Solund investerer vi for framtida. I løpet av dei neste åra skal vi bygge ny ungdomsskule og nye omsorgsbustadar, binde saman kommunen ved å realisere Ytre Steinsund bru og fortsette utbygginga av breiband. I løpet av 2019 vil om lag 90% av innbyggjarane ha tilgang til breiband.
Klikk på lenken for å sjå ei film om det flotte øyriket vårt: http://www.youtube.com/watch?v=E3RbqQhfrQQ