Konsulent
Jobbnorge ID: 164824
Se annonsen og søk på stillingen www.jobbnorge.no
Om bedriften
Fylkesnemndene for barnevern og sosiale saker avgjer saker etter barnevernslova og helse- og omsorgstenestelova m.m. Fylkesnemndene er uavhengige, domstolsliknande forvaltningsorgan. Det er i dag tolv fylkesnemnder, og nokre dekker to fylke. Fylkesnemndene vert styrt administrativt av Sentraleininga for fylkesnemndene. Verksemda er underlagt Barne- og likestillingsdepartementet.
Oppdraget til fylkesnemnda er m.a. å gjere vedtak om naudsynt hjelp og omsorg til rett tid for å tryggje barns oppvekstvilkår og fremje sosial tryggleik i respekt for individ og samfunn, tufta på sjølvstende, fagleg soliditet og rettssikring.
Fylkesnemndene sin fagsjef er ein del av Sentraleininga og leiar kompetansearbeidet i fylkesnemndene. Sentraleininga har kontorstad i Oslo, og fagsjefen har kontorstad i lokala til Fylkesnemnda i Hordaland og Sogn og Fjordane i Bergen.
Kvalifikasjonar og eigenskaper:
Vi søkjer ein engasjert, positiv og løysingsorientert person med administrativ eller kontorfagleg utdanning, helst på bachelor-nivå. Manglande formell utdanning kan kompenserast med lang og relevant erfaring frå liknande arbeid. Det krevjast gode IKT-kunnskapar. Kjennskap til elektroniske system for saksbehandling er ønskeleg.
Stillinga er delt mellom Sentraleininga (fagsjefen sitt kontor) og Fylkesnemnda i Hordaland og Sogn og Fjordane. Søkjar vil hjelpe fylkesnemnda sin fagsjef med praktiske gjeremål knyta til ulike kompetansehevingstiltak, samt ordinært kontorarbeid for nemnda. Erfaring frå saksbehandling, kursverksemd, praktisk rettsliv og kjennskap til liknande verksemder vil bli vektlagt. Søkjar må ha god evne til kommunikasjon og samarbeid, og må kunne arbeide strukturert, nøyaktig og effektivt i ein hektisk kvardag. Søkjar må også ha gode IKT-kunnskapar.
Arbeidsoppgåver:
-
Saksbehandling for fagsjef
-
Generell saksbehandling
-
Arbeidsoppgåver knyta til økonomi og rekneskap
-
Post- og arkivteneste
-
Ekspedisjon
-
Forfallande arbeid/administrasjon
Kontorstad: Fortunen 7, 4. etasje. 5013 Bergen
Fylkesnemndene er ei inkluderande arbeidslivsverksemd (IA-verksemd). Arbeidsplassen vil om mogleg leggast til rette for personar med redusert funksjonsevne. Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å nå fram til ei balansert alders- og kjønnssamansetjing, og å rekruttere personar med innvandrarbakgrunn.
Om stillinga: Stillinga er 100%, og plassert i stillingskode 1065 konsulent. Stillinga er løna etter statleg lønnsregulativ, mellom 410.000,- og 440.000,- kroner per år.
Det vert trekt 2 % av løna til innskot til Statens pensjonskasse.
Nærare opplysningar om stillinga får ein ved å kontakte fylkesnemnda i Hordaland og Sogn og Fjordane ved daglig leiar Torstein Røed, tlf. 55 56 41 70, fagsjef Ingrid Johansen 55564181 eller eller seniorkonsulent Siren Knapskaug, tlf. 55 56 41 64.
Elektronisk søknad må sendast innan 24. mars 2019 via www.jobbnorge.no. Fullstendige opplysningar om relevant utdanning og arbeidsrøynsle må leggjast inn i det elektroniske skjemaet.