Bistevaš virgi Vuosttašamanueansa / Vuosttašlektor / Allaskuvlalektor pedagogihkas
Bargoviidodat virggis
Sámi oahpaheaddjeoahpuid goađis lea rabas 100% vuosttašamanueansa/allaskuvlalektor/ vuosttašlektor virgi pedagogihkas.
Virggehas galgá plánet, čađahit, ja koordineret pedagogihkkafága oahpaheaddjeoahpuin, muhto maiddái eará oahpuin dárbbu mielde. Bargui gullet vuosttažettiin doaimmat mat leat čadnon vuođđoskuvlaoahpaheaddjeoahpuide, muhto sáhttet maid doaimmat mánáidgárdeoahpaheaddjeoahpus. Barggus sáhttet maid doaimmat čadnon joatkka- ja lassioahpuide skuvllaid ja mánáidgárddiid varas. Virgái gullá gaskkusteapmi ja čađahit dutkan- ja ovdánahttindoaimmaid Sámi allaskuvlla ja oahpuid strategiijaplánaid mielde. Virggehas sáhttá oažžut eará bargguid allaskuvlla fágalaš doaimmaid siskkobealde.
Virggi sajádat organisašuvnnas ja bargoviidodat sáhttá rievdat organisašuvdnanuppástuhttimiid geažil.
Gelbbolašvuođagáibádusat
Virgái ohcat olbmo geas lea vuosttažettiin doavttirgráda pedagogihkas dahje vástideaddji gelbbolašvuohta. Ohccit geain lea mastergráda pedagogihkas ávžžuhuvvojit maid ohcat.
Gelbbolašvuođagáibádusat virgái leat meroštallojuvvon universitehta- ja allaskuvlalága láhkaásahusa “forskrift 9.2.2006 nr. 129 om ansettelse og opprykk i undervisnings- og forskerstillinger», § 1-4 (vuosttašamanuensa), § 1-5 (vuosttašlektor) dehe § 1-6 (allaskuvlalektor).
Virggehasas galgá leat movtta bargat virggis, buorit ovttasbargo- ja geabbilvuođa attáldagat, buorit gulahallanattáldagat maiguin hukset buriid oktavuođaid bargo-/ovttasbargoguimmiiguin ja
studeanttaiguin. Dus lea dáidu bargat iešheanalaččat.
Virgái gáibiduvvo buorre sámegiel máhttu vuosttašgielladásis, sihke njálmmálaččat ja čálalaččat. Dus leat nana bargonávccat, čađahat bargguid buori áiggis ja barggat ulbmillaččat. Virggehasas gáibidit dárkilvuođa ja struktuvrra bargguid čađaheamis.
Jus leat ohccit virgái geat eai deavdde praktihkalaš-pedagogalaš gelbbolašvuođagáibádusa mii gáibiduvvo láhkaásahusas §§ 1-5 ja § 1-6, sáhttá virgáibidjanorgána árvvoštallat virgáibidjat muhtin
ohcci gaskaboddosaččat golmma jahkái, dainna eavttuin ahte ohcci háhká gelbbolašvuođa dan áigodagas go lea virgáibiddjon. Árvvoštallan dahkko de universitehta- ja allaskuvlalága § 6- 5 vuođul.
Mii fállat
* buori penšuvdnaortnega
* heivehahtti bargoáiggi
* Virggi mas ovdánahttinvejolašvuođaid, viiddis ja máŋggabealat fágabirrasis
Bálká
Virgi bálkáhuvvo Stáda bálkáregulatiivva mielde. Bálká mearriduvvo ohcci oahpu ja bargohárjáneami vuođul čuovvovaš bálkáplánain, Vuosttašamanueansa virgekoda 1101, bálkárámma 24, Vuosttašlektor virgekoda 1198 bálkárámma 24, dahje virgekoda 1008 allaskuvlalektor bálkárámma 25.
Formála lassigelbbolašvuohta sámegielas unnimustá 60 oahppočuoggá bachelordásis lassin dan mii lea biddjon gelbbolašvuođagáibádussan virgealmmuhusas, addá unnimustá guokte bálkáceahki lassin vuođđobálkái vuosttašgeardde virgáibidjamis Sámi allaskuvllas.
Bálkkás gesso 2% geatnegahtton divat Stáda penšuvdnakássii.
Ohcan
Ohcamii galget dat mielddusin:
* CV
* Duođaštuvvon oahppo- ja bargoduođaštusat
* Ollislaš listu dieđalaš publikašuvnnain
* Relevánta publikašuvnnat
Ohcan oktan CV:in ja dokumentašuvnnaiguin sáddejuvvojit elektrovnnalaččat www.jobbnorge.no bokte. Jus lea váttisvuohta deavdit elektrovnnalaš CV:a, de sáhttá váldit oktavuođa Jobbnorge áššebálvalusain e-poasta: kundeservice@jobbnorge.no dahje riŋget telefovdnii: 75 54 22 20.
Ohcanáigemearri: 11.11.21
Oktavuođadieđut
Eanet dieđuid virggi birra addá goahtejođiheaddji John-Marcus Kuhmunen, e-boasta:
johnmk@samiskhs.no, tlf. +47 78 44 dahje bargiidhoavda May Kristin Utsi Vars,
maykuv@samiskhs.no, tlf: +47 78 44 84 56.
Oppalaččat
Virgáibidjan dahkko lágaid, šiehtadusaid ja njuolggadusaid ektui mat gustojit bargiide Norgga stáhtas ja allaskuvlasektoris.
Sámi allaskuvla galgá nu bures go vejolaš speadjalastit álbmoga girjáivuođa ja mii ávžžuhit gelbbolaš kandidáhtaid ohcat virgái beroškeahttá sohkabealis, agis, doaibmannávccas dahje kultuvrralaš duogážis. Jus leat gelbbolaš ohccit geat leat doaimmashehttejuvvon, leat guhkit áiggi leamaš eret bargoeallimis, dahje geain lea sisafárrejeaddjiduogáš, de bovdet unnimusat ovtta ohcci guđege joavkkus jearahallamii. Ávžžuhit ohccit merket bargoportálas jus lea doaimmashehttejupmi, guhkit áiggi jávkan bargoeallimis, dahje lea sisafárrejeaddjiduogáš. Mearkumat bargoohcciportálas hábmejit vuođu anonymiserejuvvon statistihkkii maid buot stáhtalaš ásahusat raporterejit iežaset
jahkeraporttain.
Sámi allaskuvla lea IA-ásahus ja deattuha bargodili heiveheami ovttaskas bargái.
Bivdit almmuhit unnimusat guokte referánsa.
Ohccit sáhttet gohččot bargojearahallamii ja doallat geahččalanlogaldallama.
Dievdoolbmot ávžžuhuvvojit ohccát virgái universitehta- ja allaskuvlalága (ual.) § 6-3 (2) vuođul. Jus leat guokte dahje eambbo ohcci geain lea sullii ovttadássásaš gelbbolašvuohta, de vuoruhuvvo dievdoolmmoš ovddabeallái nissonolbmo/ nissonolmmoš ovddabeallái dievdoolbmo, gč. ual. § 6-3
(3) gos boahtá ovdan ahte galgá deattuhit dásseárvvu virgáibidjamis.
Fárrendoarjja máksojuvvo stáhta njuolggadusaid mielde.
Finnmárkkus lea sierra ortnet geahpedit lohkanloana ja vearrogeahpádus.
Fuomášuhttit ahte dieđut ohcciid birra sáhttet almmuhuvvot vaikko ohcci ieš lea bivdán čihkkot ohcciidlisttus. Ohcci oažžu dieđu dan birra ovdagihtii.
Virggis lea 6 mánu geahččalanáigi.
Om bedriften
Sámi allaskuvla
Sámi allaskuvla lea stáda alitoahppo- ja dutkanásahus. Das lea sámi ja eamiálbmot vuolggasadji buot oahpahusas ja dutkamis mas sámegiella, árbevirolaš máhttu ja ođasmahttin leat guovddážis.
Sámi allaskuvllas leat sullii 200 studeantta ja badjelaš100 bargi. Sámi lohkanguovddáš, mii lea nášunala gelbbolašvuođaguovddáš, lea maiddái oassin Sámi allaskuvllas.