Ferievikar som ergoterapeut
Ergo- og fysioterapitenesta treng ferievikar i 80 % stilling frå dags dato til 31.07.2021.
Det er politisk vedtak om at kommunane Lom og Skjåk etablerer ei interkommunal fysioterapi- og ergoterapiteneste med Lom kommune som vertskommune frå 1. mars 2021, for tida under tenesteområde Helse- og velferd. Ergoterapeuten blir kontaktperson for Skjåk kommune i sommar.
Fysio- og ergoterapitenesta har ansvar for fysioterapi, ergoterapi og kommunalt hjelpemiddellager. Tenesta har tett samarbeid med andre kommunale tenester.
Arbeidsoppgåver
- Ergoterapifaglege oppgåver for å bidra til å styrke folkehelse, førebygging og re-/habilitering
- Kartlegge/undersøkje fysisk- og kognitiv funksjon med fokus på ressursar og meistring som grunnlag
- Kvardagsrehabilitering
- Samarbeid med demensteam
- Delta i tverrfagleg samarbeid og vurderingsmøte
- Rettleiing og tilrettelegging av bustad
- Hjelpemiddelformidling og ansvar for lokalt hjelpemiddellager/ samarbeid med vaktmeister
- Rettleiing til pasientar, pårørande og tilsette
Kvalifikasjonar
- Offentleg godkjent ergoterapeut
- Godkjent politiattest
- Førarkort klasse B
Personlege eigenskapar
Vi ynskjer at du:
- er strukturert og kan jobbe sjølvstendig
- har evne til å samarbeide og vere fleksibel
- er glad i faget ditt, glad i menneske og har godt humør
Personlege eigenskapar vil bli vektlagt.
Namn på søkjarar vil bli gjort offentleg.
Er dette noko for deg? Da ser vi fram tilå høyre frå deg!
Om bedriften
Lom kommune er ein attraktiv plass å bu i for alle som er glade i friluftsliv. Dei fleste av landet sine 2000m-toppar ligg i Lom, og meir enn halvparten av Jotunheimen nasjonalpark ligg i kommunen. Eit kompakt sentrum med mange serveringstilbod, deriblant det landskjente Bakeriet, skapar eit spennande landsbypreg.