Familieterapeut - fast - 100 %
Jobbnorge ID: 187791
Om stillinga
Ved Familiekontoret i Førde er det ledig fast 100 % stilling for familieterapeut frå 1. august 2020. Stillinga er underlagt Familiekontora for Sunnfjord og Sogn, med lokasjonen i Sunnfjord som fast oppmøtestad. Den som blir tilsett i stillinga, må pårekne å arbeide ved lokasjonen i Sogn ved behov. Avdelinga i Sogn har kontor i Sogndal.
Arbeidsoppgåver/ansvarsområder
- Rådgjeving og terapeutisk arbeid med par, enkeltpersonar, familiar, born og ungdom som opplev problem, konfliktar eller kriser og som ønskjer hjelp med relasjonelle forhold.
- Samtaler for foreldre som ikkje bur i lag.
- Familiar med born har prioritet, og born deltek i aukande grad i samtaler på kontoret.
- Mekling etter Lov om ekteskap og Lov om barn og foreldre.
- Tilsynsoppgåver ved foreldre sitt samvær med born, når det er fastsett av retten at det skal være samvær med støttande tilsyn.
- Utadretta arbeid i form av undervisning, og kurs- og gruppetilbod Deltaking i intern fagutvikling.
Kvalifikasjonskrav
- Treårig relevant høgskuleutdanning tilsvarande 180 studiepoeng som sosionom, barnevernspedagog e.l. og med vidareutdanning i familieterapi, eventuell annan relevant vidareutdanning tilsvarande minimum 60 studiepoeng.
- Krav om relevant klinisk arbeidserfaring.
- Klinisk fordjuping og masterkompetanse er ønskjeleg.
Personlige egenskaper
- Du har god evne til fagleg refleksjon.
- Du har gode samarbeidsevner og fleksibilitet til å kunne jobba både sjølvstendig og i team.
- Du har god arbeidskapasitet, og interesse for å møta faglege utfordringar.
- Det vert lagt stor vekt på om søkjarane er personleg eigna, og det vert teke omsyn til samansetjing av fagteamet ved kontoret.
Vi tilbyr
- Familieterapeutstilling er plassert i statleg lønnsregulativ stillingskode 1173 klinisk sosionom eller 1496 klinisk barnevernspedagog, lønnsramme 18, alt. 7 - 11, p.t. kr 456 400 - 532 300 (ltr 51 - 60) eller stillingskode 1185 spesialutdanna sosionom, 1510 spesialutdanna barnevernspedagog, lønnsramme 18, alt. 5 -11, p.t. kr 456 400 - 532 300 pr. år (ltr 51 - 60), eller i stillingskode kode 1434 rådgiver, p.t. kr 456 400 - 583 900 pr. år (ltr. 51 - 65). Stillingskode 1495 barnevernspedagog, 1494 sosionom, 1508 vernepleiar, eller 1489 miljøterapeut i lønsramme 15, alt 5 -11, p.t. kr 386 200 - kr 496 100 pr. år (ltr 40 - 56). Løn og stillingskode vert vurdert etter utdanning og erfaring. For stillingskode 1173, 1496, 1185 og 1510 er det krav om relevant vidareutdanning tilsvarande 60 studiepoeng.
- Medlemskap i Statens pensjonskasse jf. Lov om Statens pensjonskasse, som inneber ein god tenestepensjonsordning, tilbod om bustadlån til gunstig rente, samt yrkesskade- og gruppelivsforsikring.
Generelle opplysninger
- Inkludering og mangfald er ein styrke og gjer at vi kan løyse oppgåvene våre enda betre. Derfor ønsker vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetting, hol i CV-en eller innvandrarbakgrunn, oppmodar vi deg som søker til å krysse av i jobbsøkerportalen. Er det kvalifiserte søkarar, kaller vi inn minst éin i kvar gruppe til intervju, og får du jobben, legg vi til rette for deg om du treng det. Utanom å velge ut riktige kandidatar bruker vi ikkje avkrysningane til noko anna enn anonymisert statistikk.
- Stillinga er for tida lagt til Familiekontora for Sunnfjord og Sogn.
- Det er krav om politiattest ved tiltreding, jf. lov om barnevern § 6-10, og forskrift om politiattest § 6. Denne attesten skal ikkje leggast ved søknaden.
- Vi gjer merksam på at opplysningar om søkjarane kan bli gjort offentlege sjølv om søkjaren har bede om ikkje å bli ført på søkjarlista, jf. Lov om rett til innsyn i dokumenter i offentleg verksemd (offentleglova), § 25.
Kontaktinformasjon
Leiar ved Familiekontora for Sunnfjord og Sogn Hanne S. Veum, tlf. 466 15 701
Søknad med CV sendast elektronisk via link på denne sida.
Vitnemål og attestar med stadfesta stillingsstorleik og varigheit skal takast med ved eit eventuelt intervju.
Se annonsen og søk på stillingen www.jobbnorge.no
Om bedriften
Barne-, ungdoms- og familieetaten (Bufetat) si hovudoppgåve er at alle barn, ungdomar og familiar som treng hjelp og støtte, skal få det, same kor dei bur i Noreg. Bufetat har oppgåver innan områda barnevern, familievern, samlivstiltak, ekteskapssaker, adopsjon, rettferdsvederlag, tilskotsforvalting, ungdomsutveksling, ungdomsinformasjon og krisesenter. Bufetat er organisert i fem regionar med Barne-, ungdoms- og familiedirektoratet (Bufdir) som hovudkontor i Oslo. Bufetat er underlagd Barne- og familiedepartementet. Bufetat, region vest femnar om fylka Vestland og Rogaland. Regionkontoret ligg i Bergen.
Familiekontora for Sunnfjord og Sogn har kontorstad i høvesvis Førde og Sogndal, med leiing og administrasjon i Førde. Vi har til saman 15 tilsette. Kontora skal gi tilbod til alle kommunane i sitt lokalområde.
Familiekontora er meklingsinstans i saker etter ekteskaps- og barnelova. I tillegg har vi tilbod om råd, rettleiing og samtaleterapi til familiar, par og einskildpersonar. Det er i alt 11 familiekontor i Region Vest.
Ved kontoret i Førde er det 6,5 terapeutstillingar. Avdelinga dekkjer kommunane Askvoll, Fjaler, Gulen, Hyllestad, Høyanger, den sørlege delen av Kinn (tidlegare Flora kommune), Solund og Sunnfjord. Ved kontoret i Sogndal er det 3 terapeutstillingar. Denne avdelinga dekkjer kommunane Aurland, Luster, Lærdal, Sogndal, Vik og Årdal.