ID 1903 Einingsleiar - Regulering, byggesak og oppmåling
Eining for regulering, byggjesak og oppmåling (RBO) er kommunen si fag- og forvaltningseining innanfor regulering, byggjesak og oppmåling (geodata). Eininga rapporterer politisk til utval for plan og utvikling.
Ved RBO er oppgåvene varierte, og arbeidsmiljøet er prega av at me i møte med kundane våre (innbyggjarane og utbyggingsbransjen, konsulentar og industrien) ofte møter nye utfordringar me søkjer å finne løysingar på. Noverande einingsleiar går over i ny stilling, og vi styrkar i tillegg eininga med to nye stillingar. Er du på jakt etter ein trygg arbeidsplass med høgt tempo, stor variasjon og godt arbeidsmiljø tett på næringslivet, så sjå på våre stillingar:
Eining for regulering, byggjesak og oppmåling har ledig fast 100% stilling som einingsleiar.
Hovudoppgåver:
- Leiing og koordinering av den daglege drifta
- Ansvar og oppfølging av fagområde, saker, personale og økonomi
- Fokus på fagleg og personleg utvikling av medarbeidarane
- Bidra aktivt til tverrfagleg samhandling og koordinering i sakshandsaminga
- Vera oppdatert på lovverk innan fagområda
- Leiar har vide fullmakter innan vedtekne rammer og rapporterer til plansjef/kommunalsjef
- Ansvarleg for sakshandsaming og politisk tilrettelegging av saker i samsvar med delegasjonsreglement
Me søkjer ein einingsleiar som:
- Har motivasjon og evne til å leia og vidareutvikla forvaltningsområdet
- Er løysningsorientert i møte med andre leiarar, fagpersonell, utbyggings- og konsulentbransjen
- Kommuniserer tydeleg, arbeider strukturert, tek avgjerd og følgjer opp
- Er open og raus, og kan utvikle medarbeidarane gjennom å gje tillit, handlingsrom og setje krav
- Kan arbeide og trivast i skjeringspunktet mellom politikk og administrasjon
- Har god forståing for offentlege prosessar og forvaltning
- Har god munnleg og skriftleg framstillingsevne (nynorsk skriftmål)
- Ser potensiale i vidare digitalisering innanfor tenesteområdet
Kvalifikasjonskrav:
- Relevant utdanning på minimum bachelornivå
- Erfaring innanfor ansvarsområdet (plan- og bygningslova) og leiarerfaring
- Praksis frå offentleg forvaltning er ynskeleg
- Personlege eigenskapar vil bli vektlagt
Me kan tilby:
- Høve for personleg vekst og utvikling i arbeidet
- Eit godt arbeidsmiljø med spennande utfordringar
- Medlemskap i Stord kommune ve og vel med bl.a. husvære i Røldal, hytte på Husøy inkl. båt, utleige av tilhengarar, m.m.
- Løn etter avtale
- Gode pensjons- og forsikringsordningar
Offentlig tenestepensjon i KLP - Kort fortalt
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Ta gjerne kontakt for ein uformell samtale med plansjef/kommunalsjef Lovise Vestbøstad, tlf. 911 50 097
Om bedriften
Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.