Kjenner du på ein stor motivasjon for å jobbe førebyggande med barn, unge og familiar både direkte og på systemnivå?

Fjaler kommune skal vere ein god kommune å vekse opp i. Vi jobbar målretta mot styrking av det førebyggande arbeidet for barn, unge og deira familiar. For å lukkast i dette er vi i gang med å bygge opp eit team som skal jobbe direkte ut mot barn, unge og familiar på deira eiga arena. 

Vi søkjer etter ein ny medarbeidar i teamet i 100 % fast stilling. Stillinga skal dekke to funksjonar.

I teamet gjer vi målretta rettleiing og støtte til barn, unge og familiane deira med fokus på å bidra til at barn og unge får ein meiningsfull kvardag og eit godt koordinert tenestetilbod. Oppfølginga vert gitt i møte med det enkelte barnet og ungdomen, i samtale med foreldre og i tverrfagleg samarbeid. Vi ser difor etter deg som trivast i møte med barn og unge og som kan gje målretta foreldrerettleiing og koordinere det tverrfaglege samarbeidet kring det enkelte barn og ungdom.

I tett samarbeid og på tvers av eksisterande fagområde vil vi skape arenaer der vi kan kome tidleg inn for å kartlegge og iverksette tiltak. Her får du vere med å gjere ein viktig forskjell og førebygge alvorlege og langvarige vanskar for det enkelte barn og familiane deira. For at vi skal bli gode på tidleg innsats og å styrke samhandlinga mellom ulike aktørar skal vi implementere verktøyet BTI (Betre tverrfagleg innsats). Dette spanande, innovative arbeidet skal du få vere med å drive vidare som ein del av BTI-arbeidsgruppa beståande av deltakarar frå helse, skule og barnehage.

Vi søkjer deg som har desse personlege eigenskapane:

• Gode samarbeidsevner og evne til å skape gode relasjonar
• Positiv, nysgjerrig og reflekterande
• Strukturert
• Sjølvstendig og trygg
• Fleksibel og løysingsorientert
• Bidreg positivt i arbeidsmiljøet
  
  

Arbeidsoppgåver:

• Strukturelt og tverrfagelg arbeid med implementering av BTI i kommunen
• Direkte arbeid med barnet og familien på fleire arena (heim-skule-fritid)
• Koordinatorrolle i ansvarsgrupper
• Foreldrerettleiing
  
  

Vi kan tilby deg:

• Du får delta i eit framoverlent arbeidsmiljø som imøtekjem dei behova som oppstår mellom tilboda førstelinjetenestene og spesialisthelsetenestene gjer.
• Utviklingsmogelegheiter og sjanse til å vere med å påverke fagutviklinga i teamet
• Engasjerte kollegaer og leiarar med høgt fagleg fokus
• Inkluderande miljø og faglege utfordringar
  
  

Kvalifikasjonar:

• 3-årig helse- eller sosialfagleg høgskuleutdanning
• Ønskje om vidareutdanning innanfor relevante områder som til dømes tverrfagleg utdanning i psykososialt arbeid med barn og unge eller rettleiingskompetanse
• Krav om erfaring frå arbeid med barn og unge
• Førarkort klasse B
• God norsk munnleg og skriftleg framstillingsevne
• God datakompetanse og erfaring med dokumentasjon i fagsystem Den sto under «vi søkjer deg som». Har flytta denne hit.
• Den som vert tilsett må legge fram politiattest og godkjent MRSA- og tuberkulinattest før tiltreding.
• Personleg eigna til stillinga

Søkjarlister med namn, kjønn, alder og stilling er i utgangspunktet offentlege. Søkjarar vil bli kontakta om det ikkje finst grunnlag for unntak, og få høve til å trekkje søknaden.