Assisterande kulturdirektør
Vi søker etter assisterande kulturdirektør
Møre og Romsdal fylkeskommune er inne i ei spennande tid. Gjennom regionreforma har fylkeskommunen fått nye oppgåver og utvida ansvar. Samfunnsutviklarrolla er styrka, og heilskapleg tenking og samhandling på tvers av sektorar står sentralt.
I kulturavdelinga si fagportefølje inngår fagområda kultur, idrett, frivillig sektor, kulturminneforvalting, friluftsliv og folkehelse.
Møre og Romsdal fylkeskommune arbeider for ein organisasjonskultur som fremmar samhandling, kompetansebygging og læring på tvers av fag og sektorar.
For å bidra til å utvikle våre tenester søker vi no etter assisterande kulturdirektør.
Assisterande kulturdirektør er nestleiar og har personalansvar for staben i kulturavdelinga. Stillinga inngår i leiargruppa for avdelinga og rapporterer til kulturdirektøren.
Som leiar for staben har assisterande kulturdirektør særleg ansvar for desse oppgåvene:
" Samordne og vidareutvikle det strategiske plan- og økonomiarbeidet
" Heilskapleg organisasjonsutvikling og verksemdstyring, inkl. porteføljestyring, fremme tverrfagleg samhandling og digitalisering
" HR internt i kulturavdelinga
" Samordne og vidareutvikle kunnskapsgrunnlag, publikasjonar, mm
" Samordne arbeidet med kulturell og kreativ næring, inkl. større verdiskapingsprogram
Assisterande kulturdirektør skal vere pådrivar og legge til rette for innovasjon, nye arbeidsformer og tenesteutvikling innanfor ansvarsområda til avdelinga.
Vi søker deg som
ønsker utfordringar, og som evner å utvikle deg sjølv og andre gjennom aktiv samhandling. Det blir lagt vekt på at du har:
" Leiarerfaring med dokumenterte resultat
" Prosessleiarerfaring frå gjennomførte organisasjonsendringar
" Kunnskap om offentleg forvaltning
" Erfaring med økonomi- og personaloppfølging og organisasjonsutvikling
" Ønskeleg med erfaring frå saksbehandling til folkevalde organ
" Kjennskap til eitt eller fleire av fagområda i kulturavdelinga
" Høgare utdanning
I tillegg forventar vi at du:
" ser samanhengar, er strategisk, strukturert og har stor arbeidskapasitet
" er handlekraftig og har gjennomføringsevne
" kan ta tydelege avgjerder og mobilisere medarbeidarane til innsats
" er god på relasjonar, nettverk og bygge tillit
" har god skriftleg og munnleg kommunikasjonsevne
Vi tilbyr
" ei utfordrande leiarstilling i eit arbeidsmiljø kjenneteikna av stor profesjonalitet og sterke fagmiljø
" god tilgang til faglege nettverk og fagleg utvikling
" offentleg pensjonsordning, gruppelivs- og ulykkesforsikring
" løn etter avtale
Tilsettinga er elles på fylkeskommunale vilkår og i samsvar med gjeldande lover, avtalar og reglement.
Om arbeidsplassen
Stillinga har for tida arbeidsstad i Molde, med kontorplass på Fylkeshuset.
Fylkeskommunen har arbeidstakarar i alle fylkets kommunar. Kulturområdet har arbeidslokalar både i Ålesund, Molde og Kristiansund. Noko reiseverksemd må påreknast.
Andre opplysningar
Vi har som mål å spegle mangfaldet i befolkninga. Alle med kompetansen vi etterspør er velkomne til å søke ledig stilling hos oss. Søkarlista kan bli offentleg sjølv om du ber om anonymitet. Du vil bli varsla om dette før offentleggjering.
Agenda Kaupang bistår Møre og Romsdal fylkeskommune i rekrutteringsprosessen.
Har du spørsmål om prosessen eller stillinga kan det tas kontakt med ein av desse i Agenda Kaupang:
- Johan Lindgård, tlf.: 915 16 726, e-post: johan@agendakaupang.no
- Kjersti Hatlevoll, tlf.: 954 31 282, e-post: kjersti@agendakaupang.no
Om bedriften
Bli med å utvikle regionen saman med oss! Møre og Romsdal fylkeskommune har ansvar for vidaregåande opplæring, fagskoleutdanning, fylkesveg og kollektivtransport, tannhelsetenester, kulturtenester og samfunns- og næringsutvikling i heile fylket. Vi er ein av dei største arbeidsgivarane i regionen. Vi er ein lærande organisasjon kjenneteikna av verdiskapande samarbeid og tillit.