ID 1938 Arbeidsleiar veg - Eining for tekniske tenester
Tekniske tenester er ei eining i Stord kommune som er lokalisert på Rundehaugen 45 på Heiane. Eininga har totalansvaret for utbygging, forvaltning, drift og vedlikehald av kommunale bygg og anlegg, veg, vatn og avløpsanlegg. Tekniske tenester veg har ansvar for drift og vedlikehald av kommunale vegar, gangvegar, bruer, parkeringsanlegg, park- og grøntanlegg. Me søkjer etter ein arbeidsleiar på veg.
Det er ledig 100 % fast stilling som arbeidsleiar for arbeid med drift og vedlikehald av kommunale vegar, gangvegar og parkeringsanlegg.
Hovudarbeidsoppgåver
- Planlegging og utføring av drift og vedlikehald av kommunale veganlegg, parkeringsanlegg og gangvegnett inkludert vinterberedskap
- Lage vaktplanar og fordele arbeidsoppgåver
- Oppfølging og kontroll av kontraktar og arbeid utført av eksterne entreprenørar og leverandørar
- Eininga sin representant i private utbyggingsprosjekt kor Stord kommune skal overta veganlegg for kommunal drift og vedlikehald
- HMT planlegging og kvalitetssikring
- Handsaming av gravesøknader på vegne av vegmynde
Ønska kvalifikasjonar:
- Erfaring frå arbeid med utbygging, drift og vedlikehald av veganlegg eller anleggsverksemd
- Det er ønskjeleg med relevant teknisk utdanning på fagskulenivå t.d. maskinfører.
- Erfaring og realkompetanse kan kompensere for teoretiske kvalifikasjonar
- Kurs i arbeidsvarsling
- ADK
- Gode datakunnskapar og erfaring med bruk av IKT --verktøy
- For stillinga vert det kravd førarkort for personbil kl B og lastebil kl C
- Maskinførerbevis
- Tekniske tenester ser etter medarbeidarar som:
- Kan arbeida og avklara arbeidsoppgåver sjølvstendig
- Vektlegg å få til eit godt og trygt arbeidsmiljø saman med sine kollegaer
- Er kostnadsmedviten og ynskjer å stå på for arbeidsplassen sin
- Er fagleg flink og har interesse av å utvikla seg innan arbeidet sitt
- Er strukturert
- Har gode samarbeidsevner
- Har god munnleg og skriftleg framstillingsevne
Me kan tilby:
- Varierte arbeidsoppgåver i eit tverrfagleg fagmiljø
- Godt arbeidsmiljø
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Løns- og arbeidsvilkår i samsvar med kommunalt avtaleverk
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Nærare informasjon om stillinga kan De få ved å kontakta avdelingsleiar Øivind Lothe tlf. 97 55 20 70 eller einingsleiar Arne Bjelland, tlf. 97552037.
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.