Rådgivar økonomi ved AHL – st. nr. 30/2021
Om stillinga
Høgskulen i Volda, avdeling for humanistiske fag og lærarutdanning, søkjer etter rådgivar til administrasjonen i 100% vikariat frå 1.8.2021-31.7.2022. Den som vert tilsett vil samarbeide nært med både avdelingsadministrasjonen, avdelingsleiinga, fagleg tilsette og fellesadministrasjonen ved høgskulen.
Kvalifikasjonar
Søkjar bør ha:
- Mastergrad innanfor relevant fagfelt. Omfattande og relevant praksis kan i særskilte tilfelle kompensere for kravet om formell utdanning.
- God munnleg og skriftleg framstillingsevne på norsk
- Evne til strategisk tenking og stor gjennomføringsevne
- Gode samarbeidsevner og god til å yte service
I tillegg vektlegg vi:
- Erfaring frå økonomisystemet UBW.
- Erfaring med tilsvarande arbeid ved høgskule/universitet
- God digital kompetanse
Arbeidsoppgåver
Dine ansvars- og arbeidsområde vil i hovudsak vere:
- Pådrivar for effektivisering og vidareutvikling av økonomi- og rekneskapsprosessar. Vi nyttar UBW frå Unit4 (tidlegare Agresso).
- Rekneskapsoppfølging
- Delta i utarbeiding av budsjett og prognosar knytt til både ordinær drift og prosjekt
- Reiserekningsadministrasjon
- Støtte og rettleiingsfunksjon innanfor økonomiområdet overfor institutta og administrasjonen ved avdelinga
- Fakturahandtering
- Støtte fellesadministrasjonen og institutta med finansielle nøkkeltal og økonomiske innspel til søknadar om forskingsprosjekt
- Utarbeiding og støtte ved prosjektavtalar
Rådgjevaren vil samarbeide med dei ulike fagmiljøa som er involverte i utdanningane og med praksisfeltet. Ein må og bidra til digital kompetanseutvikling og brukarstøtte i ulike administrative system på avdelinga.
For at vi til ei kvar tid skal vere i stand til å løyse dei administrative oppgåvene i avdelinga på ein best mogeleg måte, kan ansvars- og arbeidsoppgåvene i stillinga bli endra/justerte i samsvar med nye eller endra behov.
Vi tilbyr
Vi kan tilby eit spanande arbeidsmiljø med høve til fagleg og personleg utvikling og gode pensjonsordningar.
Løn etter kompetanse og kvalifikasjonar i statens lønsregulativ med normal årsløn i desse stillingskodene ved Høgskulen i Volda: Rådgjevar 1434 frå kr 479 600 - 605 500.
Generell informasjon
Den statlege arbeidsstyrken skal i størst mogleg grad spegle mangfaldet i folket. Høgskulen praktiserer moderat kjønnskvotering. Vi oppmodar alle kvalifiserte kandidatar til å søke, uavhengig av for eksempel alder, kjønn, funksjonsnedsetting, hol i CV, nasjonal eller etnisk bakgrunn. Vi gjer søkjarar som oppgir at dei har nedsett funksjonsevne eller hol i CV merksam på at denne opplysinga kan verte brukt til statistikkføremål knytt til regjeringa sin inkluderingsdugnad.
Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.
Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.
I samsvar med Offentleglovas § 25 kan søkjar be om å ikkje bli oppført på offentleg søkjarliste. Søkjarar som ønskjer å reservere seg, må under «søknad» hake av for «Er det grunnlag for å bli unntatt offentlegheit, jfr. Offentlighetsloven» samt grunngi søknaden. Høgskulen kan likevel avgjere at namnet på søkjaren skal offentleggjerast. Søkjaren blir varsla dersom ønsket om unntak ikkje blir tatt til følge.
Om søknaden
Søknad og all dokumentasjon skal sendast elektronisk igjennom rekrutteringssystemet Jobbnorge der du registrerer søknaden, vedlegg og informasjon om utdanning og arbeidserfaring. Vi ber også om at du oppgir referansar med kontaktinformasjon. Søknaden skal gi eit fullstendig oversyn over utdanning og tidlegare praksis. Søknader eller vedlegg kan ikkje sendast på e-post eller i vanleg postgang til høgskulen.
Det er søkjar sitt ansvar å sørge for at alle dokument/filer er lasta opp innan søknadsfristen. Søknaden vert vurdert med den informasjonen som ligg føre elektronisk i Jobbnorge. Vedlegg skal lastast opp som separate filer i eit format som kan leggjast ved elektronisk; PDF, PMG, JPEG, ODF, DOC. Dersom vedlegga samla overstig 30 MB, må dei komprimerast før dei vert lasta opp. Vedlegga skal ha namn som samsvarar med innhaldet i fila.
Følgjande dokument/filer skal leggjast ved den elektroniske søknaden:
- vitnemål og attestar
- CV
Kontakt
Nærare opplysningar om stillinga får ein ved å vende seg til høgskulen ved kontorsjef Tor Ose, tlf. 70 07 54 28.
Om avdelinga
Avdeling for humanistiske fag og lærarutdanning er den største avdelinga ved Høgskulen i Volda med årleg om lag 2200 studentar og 140 tilsette. Vi gjev tilbod om ei rekke ulike lærarutdanningar og fagstudium. Avdelinga har stor aktivitet innan etter- og vidareutdanning for lærarar. Høgskulen i Volda ligg langt framme i høve å gje slike tilbod med fleksibel organisering og bruk av ulike teknologiske løysingar. Vi har også omfattande aktivitet innan forsking og utviklingsarbeid. Nasjonalt senter for nynorsk i opplæringa er ein del av avdelinga.
Studiebygda Volda
Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.
Les meir på www.hivolda.no
Om bedriften
Om Høgskulen i Volda
Høgskulen i Volda er høgskulen for humaniora og samfunnsvitskap i Møre og Romsdal. Vi er ein spennande kompetanseorganisasjon i vekst med om lag 4500 studentar og 350 tilsette. Vi gjev undervisning i ei rekkje fagområde, yrkesretta utdanningar og etter- og vidareutdanningar i nært samarbeid med samfunns- og næringsliv. Høgskulen i Volda driv mykje forsking og utviklingsarbeid og satsar på forskaropplæring og kompetanseoppbygging for dei tilsette i samarbeid med universitet i inn- og utland.