Fast stilling som spesialrådgjevar innan smittevern
Fast stilling som spesialrådgjevar innan smittevern
Stillinga som er ledig, ligg i Folkehelseseksjonen, og er ei fast stilling som spesialrådgjevar innan smittevern.
Folkehelseseksjonen har mellom anna ansvar for smittevern, strålevern og miljøretta helsevern, og har etatsstyringsansvar for Folkehelseinstituttet og Direktoratet for strålevern og atomtryggleik.
Sentrale oppgåver er
- smittevern,
- smittevernberedskap,
- antibiotikaresistens,
- vaksinar,
- og internasjonale oppgåver på desse områda.
Andre oppgåver knytte til porteføljen i avdelinga må kunne påreknast.
Kvalifikasjonar og eigenskapar
Du må ha:
- medisinsk embetseksamen med interesse for samfunnsmedisin, gjerne med klinisk erfaring og/eller erfaring frå forsking.
- ha relevant arbeidsrøynsle og kjennskap til fagområda i seksjonen
- ha kjennskap til og gjerne erfaring frå internasjonalt arbeid på feltet
- ha god skriftleg og munnleg framstillingsevne på norsk og engelsk
- gode analytiske og strategiske evner
- god samfunnsforståing og interesse for politiske prosessar
- kunne tryggleiksklarerast
Til stilling som spesialrådgjevar er det vanleg krav om minst ti år relevant erfaring.
Vi søkjer deg som:
- har god rolleforståing,
- tek initiativ,
- har god gjennomføringsevne,
- har gode samarbeidsevner,
- er ein strukturert person med stor arbeidskapasitet,
- jobbar sjølvstendig og under høgt tidspress med korte fristar og mange saker samstundes,
- er løysingsorientert.
Vi tilbyr
- Fast stilling
- Stillingsbrøk: 100 %
- Løn etter avtale
- Høgt kompetente kollegaer og eit triveleg arbeidsmiljø
- Høve til å vere tett på viktige avgjerder for helsetenestene
- 5 veker ferie, fleksitidordning og gode velferdsordningar
- God pensjons- og låneordning gjennom Statens Pensjonskasse
Les meir om å jobbe hos HOD her: Jobbe i Helse- og omsorgsdepartementet
Vi er underlagde lov- og avtaleverk som sikrar dei tilsette ryddige arbeids- og tenesteforhold.
2 % innskot til Statens pensjonskasse blir trekt frå løna. Medlemskapen er ei av dei beste pensjonsordningane i landet, med gunstig bustadlån og gode forsikringsordningar.
Vil du vite meir?
Synes du dette høyrest interessant ut og ønskjer nærare informasjon, kan du ta kontakt med:
Avdelingsdirektør Arne Marius Fosse på telefon 930 64 579.
Mangfold og inkludering i Helse- og omsorgsdepartementet
Vi er opptekne av mangfald, og meiner inkludering og mangfald er ein styrke. Vi ønskjer å vere ein arbeidsstad som speglar folket, og vi ønskjer medarbeidarar med ulike kompetansar, fagkombinasjonar, livserfaring og perspektiv for å medverke til endå betre oppgåveløysing. Vi oppmodar derfor alle kvalifiserte kandidatar til å søkje.
Vi har eit personalpolitisk mål om å inkludere personar med nedsett funksjonsevne og personar som har stått utanfor arbeid eller utdanning i lengre tid, og vi legg til rette arbeidstilhøva om det trengst.
Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.
For å bli vurdert som søkjar i desse gruppene, det vil seie positivt særhandsama på denne måten, må søkjarane oppfylle visse krav. Les meir om krava på Arbeidsgjevarportalen
Vi oppmodar deg til å krysse av i jobbportalen dersom du har funksjonsnedsetjing, hol i CV-en eller innvandrarbakgrunn. Avkryssinga i jobbsøkjarportalen gjer grunnlag for anonymisert statistikk som alle statlege verksemder rapporterer i sine årsrapportar.
Slik søkjer du
Send søknad elektronisk via lenka "Søk stillinga" nedst på sida til JobbNorge.no.
Legg ved vitnemål og eventuelle attestar, og legg inn opplysningar til din CV.
Alle dine personopplysningar vert tatt vare på i samsvar med GDPR.
Unntak fra offentlig søkerliste
I samsvar med offentleglova § 25 gjer vi merksam på at opplysningar om søkjaren kan bli offentleggjort sjølv om søkjaren har bede om ikkje å bli ført opp på søkjarlista.
Om bedriften
Om Helse- og omsorgsdepartementet
Hovudoppgåvene til folkehelseavdelinga er knytte til helsefremmande og førebyggjande arbeid (folkehelsearbeid, mellom anna tiltak for å redusere sosiale helseforskjellar), helseovervaking, ernæring og mattryggleik, lækjemiddelspørsmål og alkohol- og narkotikaspørsmål.
Folkehelseavdelinga er delt inn i tre seksjonar: folkehelseseksjonen, seksjon for ernæring og mattryggleik og seksjon for alkohol-, narkotika- og tobakkspolitikk.