Psykolog/psykologspesialist 100% fast stilling - 2. gongs utlysing.
Eining Barn og familie er ei av 21 einingar i sektor oppvekst. Eininga er delt opp i fem avdelingar; barnevern, PPT, helsestasjon, avdeling tiltak og ressurs og Villatoppen avlastningsbustad. Eininga held til på Husnes tenestesenter.
Omtale av stillinga
Ved Eining Barn og familie, avdeling Tiltak og ressurs, er det ledig 100% fast stilling som psykolog. Psykologen skal gjennom psykologfagleg arbeid bidra i utforming og implementering av tiltak på ulike nivå innan psykisk helse for barn og unge. Helsefremjande og forebyggjande arbeid og tidleg innsats er hovudoppgåvene.
Psykologen skal medverke til å styrke det kommunale arbeidet for å fremje god psykisk helse mellom barn og unge. Det vil vere oppgåver knytt til rettleiing internt i eininga og i forhold til skular og barnehagar. Stillinga er og del av lågterskeltilbod til barn, unge og deira familiar. Psykologen kan og få oppgåver knytt til det overordna planarbeid for kommunen si tenesteutvikling på målområdet psykisk helse/ oppvekst.
Eining Barn og familie har to psykologstillingar i tillegg til leiar som er psykologspesialist.
Stillinga er organisert i familieteamet i avdeling for tiltak og ressurs, men arbeider og saman med PPT, barnevern, helsestasjon og andre førebyggande tiltak for barn, unge og deira familiar. Det er nært samarbeid mellom dei to psykologstillingane.
Det er rom for å utforme stillingsinnhaldet i samarbeid med den som vert tilsett.
Arbeidsoppgåver
- Ta del i tiltaksutvikling, og bidra til koordinerte tenester og innsats for barn, unge og familiar.
- Tverrfagleg samarbeid med skular, barnehagar og andre relevante instansar.
- Bidra til kompetanseheving gjennom konsultasjon/veiledning, rådgjeving og undervisning til aktuelle grupper av personell og tenester i sektor oppvekst.
- Utgreiing/behandlingsoppgåver og oppfølging av barn og unge
- Råd og rettleiing til barn, unge og deira foreldre
Kvalifikasjonar
Vi søkjer etter psykolog/ psykologspesialist, men andre med relevant utdanning og erfaring (innan familierettleiing og samtalar med barn og unge) kan og søkje og vil eventuelt få midlertidig tilsetting i 1 år.
Det vil bli lagt særleg vekt på;
- evne til samarbeid
- evne til å arbeide sjølvstendig
- arbeide målretta, systematisk og strukturert
- at ein er eigna for arbeid med foreldre, barn og ungdom
- vilje til å tenke alternativt og tverrfagleg
- gode kommunikasjonsevner, norsk munnleg og skriftleg
Den som vert tilsett må ha sertifikat og disponera bil.
Vi tilbyr
- Eit positivt arbeidsmiljø med høve til faglege utfordringar.
- Utfordrande og varierte arbeidsoppgåver.
- Konkurransedyktig løn.
- Høve til relevante kurs og spesialisering. Intern rettleiing av psykologspesialist.
- Tilsetjing skjer etter gjeldande vilkår for kommunale arbeidstakarar i samsvar med HTA og AML.
- Pensjonsordning, ulykkes- og gruppelivsforsikring gjennom KLP.
- Kvinnherad kommune er ei IA-verksemd.
- Dekning av flytteutgifter etter nærare reglar.
- Gode høve til friluftsliv både sommar og vinter
- Varierte kulturtilbod
- Gode oppveksttilhøve for barn
Det er krav om gyldig politiattest før du tiltrer i stillinga. Kravet er heimla i lov om barnevern § 6.10, opplæringslova § 10.9, lov om barnehagar § 19, Helsepersonellova § 20 og helse- og omsorgstjenesteloven § 5-4.
Link til søknadsskjema: Send søknad