Har du engasjement for fagfeltet psykisk helse og rus?
Kort om stillinga
Vi lyser ut eit års vikariat i 100 % stilling som sjukepleiar (37,5 t/v).
6 av 7 kommunar i region Nordhordland og Bjørgvin DPS har etablert FACT-team i Nordhordland, eit prosjekt med statlege tilskotsmidlar i inntil 4 år. Tilskotet skal bidra til omstilling og styrking av eksisterande tenester, og målet er at tiltaket og arbeidsforma skal implementerast i ordinær drift etter prosjektperioden.
Kommunane som deltek i prosjektet er Austrheim, Fedje, Gulen, Masfjorden, Modalen og Alver. Bjørgvin DPS har ansvar for heile regionen. Alver kommune er ansvarleg for tiltaket i prosjektperioden.
Fleksible Assertive Community Treatment (FACT) er ein behandlingsmodell som skal gje heilskapleg og koordinerte tenester til menneske med alvorleg psykisk liding og samstundes psykisk liding og rusliding. Tiltaket inngår i kommunane og Helse Bergen sine vedtekne planar om å gje samanhengande tenester for menneske med samansette behov grunna alvorlege psykisk liding og/eller rusliding.
FACT-modellen krev eit høgt kvalifisert team som arbeider tett og aktivt saman og drar vekslar på samla kompetanse. Teamet er tverrfagleg samansett, har ein teambasert tilnærming og utfører samtidige kommunale tenester og spesialisthelsetenester. Døme på oppgåver er utgreiing, behandling og støtte, samhandling med døgntenester, arbeid med bustad, aktivitet/arbeid og samarbeid med familie og nettverk.
Recoveryperspektivet er særleg vektlagt.
FACT Nordhordland starta opp i mars 2019, arbeider nært tenester på spesialist og kommunalt nivå, og er samansett av medarbeidarar som i dag er tilsett i Bjørgvin DPS og i Alver kommune.
Arbeidsoppgåver
Du skal jobbe med individuell oppfølging og behandling av brukarar i eit ambulant tverrfagleg behandlingsteam
Du må kunne samarbeide med interne og eksterne samarbeidsapartar om eit heilskapleg tenestetilbod.
Du skal kunne bidra fagleg gjennom rettleiing, undervisning og teamarbeid.
Du vil fremme recovery, meistring og håp.
Kompetanse
Du er offentleg godkjent sjukepleiar, eller har annan helse og sosialfagleg høgskuleutdanning med relevant arbeidserfaring innan fagfeltet. Du har gjerne vidareutdanning innan psykisk helsearbeid eller psykisk helsearbeid og rus.
Arbeidserfaring frå kommunar i prosjektet er ein føremon.
Du må ha førarkort klasse B.
Du har engasjement og interesse for fagfeltet psykisk helse og rus, og har gjerne arbeidserfaring frå feltet. Du tek ansvar og kan prioritere opp mot dagleg drift. Du er initiativrik, fleksibel og llikar å arbeide i team. Ved tilsetjing blir det lagt avgjerande vekt på nemnde personlege eigenskapar og evne til samarbeid.
Vi tilbyr
Teamarbeid i eit fagleg engasjerande og godt arbeidsmiljø
Fagutvikling og rettleiing
Tilsetjing etter gjeldande avtaleverk
Pensjonsordning i KLP
Løn etter gjeldande tariffavtale. Annan avlønning kan vurderast ved særskild kvalifiserte søkjarar.
Slik søker du
Trykk knappen "send søknad". Dess meir du fyller ut, dess betre vert du sjåande ut på søkjarlista. Dersom du har behov for hjelp med registrering av søknad, kontakt HR-avdelinga.
Om bedriften
Tenesteområde psykisk helse og rus gjev tenester i heile Alver kommune. Hovudoppgåva er psykisk helsearbeid til unge og vaksne, som har eller er i ferd med å utvikle psykisk liding og/eller rusliding.