ID 1884 Driftsleiar for bygg og reinhald - Eining for tekniske tenester
Eininga for tekniske tenester har ansvar for eigedomsforvaltning av alle kommunale eigedomar i Stord kommune. I tillegg har eininga ansvar for utbygging, drift og vedlikehald av vass-, avløps- og veganlegg i Stord kommune, samt trafikksikring og parkering. Eininga er lokalisert på Heiane, sentralt på Stord.
Det er ledig fast 100% stilling som driftsleiar bygg og reinhald. Stillinga er del av leiargruppa i Eininga for tekniske tenester og rapporterer til einingsleiar
Arbeidsoppgåver
- Drift av bygg og reinhaldstenestene i kommunen
- Vedlikehaldsplanlegging
- Ivareta personalansvar
- Sakshandsaming, internt, eksternt og politisk
- Rapportering, budsjett og resultatansvar for avdelinga
- Ivareta HMT arbeid og internkontroll
- Legga til rette for kompetanse utvikling, sikre god ressurs styring og utnytting av kompetanse
Ønska utdanning og kompetanse:
- Utdanning frå høgskule, universitet eller tilsvarande innan bygg/anlegg fag. Lang erfaring kan kompensera for manglande utdanning.
- Resultatorientert leiar med fokus på utvikling, effektiv drift, gjennomføring og måloppnåing
- Leiarerfaring med personalansvar
- Omgjengeleg og utadvendt med evne til samarbeid, byggja nettverk og relasjonar, samt inspirera og motivera
- Likar å arbeide i team
- Vektlegg å få til eit godt og trygt arbeidsmiljø
- Er kostnadsmedviten og ynskjer stå på for arbeidsplassen sin
- Har god digital kompetanse
- God munnleg og skriftleg framstillingsevne
- Ha evne til å gje kommunen eit godt omdøme
- Har førarkort for bil
Me kan tilby:
- Varierande arbeidsoppgåver
- Ryddig arbeidstid
- Eit godt og uformelt arbeidsmiljø der HMT vert vektlagt
- Høve for personleg vekst og utvikling i arbeidet
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm.
- Gode pensjons- og forsikringsordningar
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.
Nærare opplysningar om stillinga hos einingsleiar Arne Bjelland . tlf . 97552037 .
Om bedriften
Stord kommune er ein industrikommune i Hordaland med ca. 19 000 innbyggjarar. Det er stor og variert aktivitet både i arbeidsliv og for fritid. Me har eit rikt kulturliv og det er gode vilkår for idretts- og friluftsliv. Her er flott natur med skog, sjø, vatn og fjell som ligg nær til for trivlege opplevingar og aktivitetar ute. Det er god kommunikasjon til Haugesund, Stavanger og Bergen. Barnehagar og skuleverket har god kvalitet. Me har m.a. vidaregåande skular, allmenn- og førskulelærar-, sjukepleiar- og ingeniørutdanning. Stord sjukehus er lokalsjukehuset for 50000 innbyggjarar i regionen Sunnhordland.