Helsefagarbeidar 50% vikariat natt Psykisk helseteneste
Vi søkjer
Antall stillingar: 1
Stillingsprosent: 50%
Tilsettingsform: Vikariat med moglegheit for fast tilsetjing
Tiltreding: 15.11.21 til 01.12.22
Arbeidstid: Nattevakt, 35,5 t/veke
Psykisk helseteneste treng helsefagarbeidar i nattstilling 35,5 t/ veke turnus i 50%, vikariat, med hovedarbeidsfelt retta til personar med samansette problemstillingar, som psykisk sjukdom og rusavhengighet. Vi treng ein kvalifisert person til å gå inn i faggruppa for å dekke behov for helse- og omsorgstenester på natt til dei personane som har vedtak om døgntenester, rundt Aksdalvegen 163/ rus- og psykiske helsetenester.
Avhengig av framtidig organisering, blir det aktuelt med oppgåver på natt i samarbeid med andre kommunale helse- og omsorgstenester, som heimetenesta.
Beskrivelse av avdeling
Tilsetting skjer med Tysvær kommune som arbeidsgivar, men stillinga er for tida plassert i Helse og mestring, Psykisk helseteneste, team for samansette tenester.
Tysvær kommune har fagteneste med målretta psykisk helsetenester og rusarbeid til innbyggjarane. Tenesta er delt i hovudansvarsgrupper; Lågterskeltenester "Rask psykisk helsehjelp", og Samansette tenester med døgntenester knytt til bueining i Aksdal, timebaserte tenester (psykisk helsehjelp, praktisk bistand- og opplæring), LAR-administrering, terapeutiske meistringsgrupper og timebaserte tenester, i dag organisert i to ROP-team.
Tenesta har tilsette med høg og variert kompetanse. Vi ynskjer oss medarbeidarar som har genuin interesse for vidareutvikling av fagfeltet i samarbeid med brukarar, pårørande og andre tenesteområder.
Arbeidsoppgåver
Arbeidet krev god kompetanse og erfaring med psykisk helse- og rusarbeid. Ein må kunne arbeide sjølvstendig, målretta, tverrfagleg og i team i lag med brukarar, fagteneste og samarbeidspartar. Det er lagt opp til varierte arbeidsmetodar og fleksibelt tilbod til brukarane.
Direkte brukar-/ nettverk kontakt, fokus på betringsprosessar og eit meiningsfullt liv ved hjelp av miljøarbeid, miljø- og psykoterapi. Tilrettelegging for stabilitet i livssituasjon ved heilskapleg fokus; verdig bustad og meiningsfull kvardag; helse, aktivitet, bustad og økonomi m.a.
Arbeid på natt fordrar særleg kunnskap om og sjølvstendig arbeid i høve til brann- og redning, ivaretaking av tryggleik og HMS.
Krav til kompetanse
Helsefagarbeider eller med liknande relevant utdanning, gjerne med relevant vidareutdanning for tenesteområdet.
Erfaring med helsearbeid til personar med psykiske lidingar, og rus-utfordringar.
Erfaring med å arbeide på natt og ivareta ansvar for brann, redning og tryggleik i helsetenester.
Kjennskap til tenesta sine faglege verktøy, som FIT/ feedbackinformerte tenester, TBO/ traumebevisst omsorg, Recovery-orienterte tenester, TMA/ terapeutisk meistring av aggresjon og MI/ motiverande intervju, er ein fordel.
Erfaring med å arbeide både sjølvstendig og samarbeid med andre.
Fagleg innsikt og dugleik.
Evne til etisk refleksjon og å ta i mot veiledning.
Løysningsorientert.
Gode samarbeidsevner og personlege eigenskapar.
Sertifikat for personbil.
Anledning og vilje til å arbeide natt-stilling.
Lønnsvilkår
Etter gjeldande avtale og regelverk.
Slik søkjer du
Tysvær kommune mottar kun elektroniske søknader. Søk via linken oppe til høgre.
Ta kontakt med Servicetorget på tlf. 52757000 dersom du treng hjelp til å søkje.
Kopiar av vitnemål og attestar tar du med deg dersom du skal møte til intervju. Desse blir dessverre ikkje returnerte.
Politiattest skal heller ikkje leggjast ved søknaden din. Godkjent politiattest som ikkje er eldre enn tre månader ,må liggje føre ved tilsetting, og seinast før arbeidstakar tiltrer stillinga. Det vert teke atterhald om at merknadar på politiattesten kan føre til endring i tilbodet om stilling.
Om bedriften
Tysvær kommune er sentralt plassert på Haugalandet med 11000 innbyggjarar. Kommunesenteret Aksdal ligg berre 13 km sør-aust for Haugesund med gode kommunikasjonar mot Bergen og Stavanger og kort veg til flyplass. Tysvær er ein vekstkommune med ein særs ung befolkning, og har flotte tilbud innan kultur og idrett. Barnehagar og skular er moderne og gir gode tilbud i dei ulike delane av kommunen. Vi gjer merksam på at berre tilsette i Tysvær kommune (fast eller vikar) kan søkje stillingar som merka INTERN i overskrifta