Sakshandsamar - økonomisk rådgjevar
Org.nr.: Stillingsident: 19/493 Presentasjon av stillingen :
Helse og omsorg er ei eining med om lag 50 tilsette og blir leia av kommunalsjef. I denne eininga inngår helseservicekontor, legetenesta, jordmortenesta, ergoterapi- og fysioterapitenesta, Eidsbøen bufellesskap, NAV og psykisk helse/rus/kreftomsorg. Helse og omsorg har som mål å fagleg leggje til rette med tenester tilpassa den einskilde sitt behov, slik at kvar og ein skal ha eit trygt, meiningsfylt og innhaldsrikt liv.
Arbeidsstad
Ved NAV-kontoret samarbeider stat og kommune om tenestetilbodet til innbyggjarane i kommunen. NAV Austevoll har i alt 6 tilsette, 2 statlege og 4 kommunale. Vi er opptekne av å gje brukarane våre fagleg gode tenester på ein god måte, i samhandling med brukar og aktuelle instansar. NAV Austevoll har eit godt arbeidsmiljø og er i stadig utvikling for å bidra til at fleire kjem i arbeid og aktivitet, til gode velferdstenester og eit sterkt sosialt tryggingsnett.
Ansvars- og arbeidsoppgåver
- rettleiing og sakshandsaming etter Lov om sosiale tenester i arbeids- og velferdsforvaltninga
- økonomisk rettleiing i privatøkonomi og hjelp til brukarar med komplekse gjelds- og betalingsproblem, frivillig forvaltning og budsjettarbeid
- sakshandsaming av startlån og tilskot i høve til Husbanken sitt regelverk, oppfølging av lånekundar med meir
- betening av publikumsmottak, med rettleiing av ulike brukarar av NAV sine tenester.
Kvalifikasjonar
- sosialfagleg utdanning med vidareutdanning i økonomisk rådgjeving. Det er også aktuelt med kompetanse som jurist eller økonomiutdanning på høgskulenivå med erfaring frå arbeidsfeltet.
- god munnleg og skriftleg framstillingsevne (norsk, engelsk)
- relasjonskompetanse
- rettleiingskompetanse
- relevant praksis frå fagfeltet er ønskeleg
- erfaring med IT som økonomisk styringsverktøy
- førarkort for personbil. Det er ønskjeleg om du disponere eigen bil i tenesta
Søkjar må vere personleg eigna til stillinga. Vi søkjer deg som er målretta, fleksibel, sjølvstendig og som evner å samarbeida godt i møte med tenestemottakarar og samarbeidspartnarar. Vidare må du ha:
- god servicehalding
- evne til å finne gode løysingar
- evne til å ta ansvar, vere systematisk og effektivt
Vi tilbyr:
- Moglegheit for fagleg utvikling i eit godt og positivt fagmiljø
- Spanande utfordringar
- Løn etter kvalifikasjonar
- Gode pensjons- og forsikringsordningar
Vi gjer merksam på at i følgje offentleglova § 25, 2. ledd kan opplysningar om søkjaren verte offentleggjort sjølv om søkjaren har oppmoda om ikkje å bli ført opp på offentleg søkjarliste. Søkjaren vil alltid bli varsla på førehand dersom søkjarlista vert offentleggjort. Link til søknadsskjema: Send søknad For mer informasjon kontakt: , Lillian Mjelde Østervold, Mobil 92832066, Epost: lillian.ostervold@austevoll.kommune.no
Om bedriften
Austevoll er ei øygruppe og ein kommune i Midthordland. Austevoll er landets største fiskerikommune, har svært høg næringsaktivitet, verdiskaping og byr på eit mangfald av spennande jobbar. Kommunen har eit folketal på 5.200 innbyggjarar. Nærleiken til Bergen gjer at rundt 700 bergensarar og andre naboar dagleg jobbpendlar til Austevoll. Vi har eit rikt kulturliv og kommunen har i dag omlag 240 fast tilsette som opptekne av å gje innbyggjarane våre gode kommunale tenester. Administrasjonsmålet i kommunen er nynorsk. Austevoll kommune byggjer på verdiane truverd, respekt, openheit, mot og profesjonalitet.