Sakshandsamar
Org. nr: - Stillingsident: 4374730544 Presentasjon av stillingen:
Det er ledig fast 100% stilling som sakshandsamar på Tenestekontoret i Eining for Helse, sosial, omsorg i Bømlo kommune.
Bømlo kommune skal stimulera til at innbyggjarane i størst mogleg grad får hjelp til å meistra eigne liv. Det vert lagt vekt på tidleg innsats og "kva er viktig for deg". Kommunen har høgt fokus på koordinering og samhandling på tvers av faggrupper, verksemder og tenestenivå. Tenestekontoret er koordinerande eining for personar over 18 år og er sett saman tverrfagleg.
Tenestekontoret er ansvarleg for å ta i mot og handsame søknader, samt fatte vedtak og tildele tenester innan helse- og omsorg i Bømlo kommune.
Arbeidsoppgåver
- Ta del i kartlegging, vurdering og tildeling av helse- og omsorgstenester
- Særskild ansvar for kartlegging av søknader til psykisk helseteneste
- Ressurs-/kontaktperson for rustenesta
- Særskild ansvar for kartlegging og tildeling av bustader
- Hovudansvar for støttekontaktordninga
- Rådgjeving og innbyggjardialog
- Koordinerande rolle for einskildpersonar som mottek tenester
- Sakshandsaming etter helse- og omsorgstenestelova
- Samhandling med spesialisthelsetenesta og andre aktørar internt og eksternt
Kvalifikasjonar
- Helse-sosialfagleg høgskuleutdanning med oppnådd bachelorgrad eller høgare
- Vidareutdanning og/eller relevant erfaring frå arbeidsområdet psykisk helseteneste og evt. rus
- Erfaring frå eller interesse for m.a. bustadsosialt arbeid, støtte til pårørande og anna koordinerande arbeid
- Erfaring og kompetanse frå kartlegging og sakshandsaming
Relevant erfaring, personlege eigenskapar og motivasjon for stillinga vil bli lagt vekt på.
Personlege eigenskapar
- Fagleg tyngde og høg grad integritet.
- Strukturert og god til rett prioritering av arbeidsoppgåver.
- Set deg raskt inn i nye problemstillingar og kan levere under tidspress
- God relasjonskompetanse, lyttande og tilgjengeleg for dei som søkjer tenester og for dei me skal samhandla med.
Me tilbyr
- Varierte og spennande arbeidsoppgåver
- God mogleik for fagleg vekst og utvikling
- Konkurransedyktige løns- og arbeidsvilkår
Kontaktinformasjon
Anne Karin Fossdal, Verksemdsleiar, 53 42 34 72, anne.karin.fossdal@bomlo.kommune.no
Arbeidsstad
Leirdalen 25
5430 Bremnes
Søk på stillinga:Klikk her
Nøkkelinformasjon:
Arbeidsgivar:Bømlo kommune
Referansenr.:4374730544
Stillingsprosent: 100%
Fast
Søknadsfrist: 09.05.2021
Om bedriften
Berekraftige Bømlo er vår visjon!
Bømlo kommune har 12 000 innbyggjarar og ligg plassert mellom Stavanger og Bergen, i regionen Sunnhordland. Me har eit aktivt næringsliv, med stort fokus på utvikling av grøn teknologi. Eit godt kulturtilbod saman med eit yrande lag- og organisasjonsliv gjer Bømlo til ein god plass å bu.
Kommunen med sine 1000 tilsette, er utviklingsorientert, har eit sterkt fokus på samhandling, det grøne skiftet og ei berekraftig samfunnsutvikling. Dei tilsette er vår viktigaste ressurs og me ynskjer oss rause , modige og engasjerte medarbeidarar.
Raus -- hos oss er det takhøgde, det er lov å prøva og feila. Me er lyttande, møter menneske med respekt, er inkluderande i vår omgang med andre og i utøving av arbeidet vårt. Me byggjer relasjonar og ser på mangfald som ein ressurs
Modig -- me vågar å tenkje utanfor boksen, me er kreative, prøver, ser moglegheiter, me er handlekraftige, står for det me gjer, tek nye utfordingar, toler endring, ser at omstilling er nødvendig og er opptatt av utvikling som betrar tenestene.
Engasjert -- driftige medarbeidarar som er opptekne av jobben sin, av å yte gode tenester og utvikle seg og sine kollegaer for å yte sitt beste. Dette får ein til igjennom samarbeid internt og samskaping eksternt.
Pensjon
I denne stillinga har du rett på ein av Norges sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ein utbetaling som vare frå den dagen du sluttar i jobb og livet ut. Pensjon inkludera og uføre- og etterlatnepensjon dersom noko uventa skulle skje. Med pensjonsrett i Bømlo kommune får du medlemspris og gunstige vilkår på ei rekkje bank, forsikring og spareprodukt.
Forsikring
Bømlo kommune har gode forsikringsordningar for tilsette. Ordninga omfattar forsikring knytt til yrkesskade, ulykke og fritid.