Byggeleiar vegdekke og oppmerking
Stillingsannonsen er inaktiv.Avdeling for infrastruktur og veg- Vedlikehald Sør, Vestland fylkeskommune
6863 Leikanger, Sunnfjord, Stad
Org. nr: 923723722 Stillingsident: 4197408485 Presentasjon av stillingen:
Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterkare felles kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna vert tatt vare på.
Avdelinga skal gjennomføre planlegging, utbygging, drift og vedlikehald av om lag 5600 km fylkesveg. Ivareta fylkeskommunen sine forvaltningsoppgåver som vegeigar. Vi skal samordne aktørar med ansvar for trafikksikring i fylket. Ta i vare heilskapleg utbygging av transportinfrastruktur i arbeidet med Nasjonal transportplan og ha naudsynt beredskap i samband med hendingar på vegnettet.
Seksjonen har ansvar for å drifte og å vedlikehalde fylkesvegane, planleggje og følgje opp entreprenørar og økonomi innan tildelte midlar.
Seksjonen har eit beredskapsansvar med vaktordning, der vi vurderer og set i gang tiltak som å stenge vegar, eller rydde opp og opne vegar som er stengde grunna uver, skred eller flaum. Vi følgjer opp arbeidet til entreprenørar på drift og elektro. På vedlikehald er oppgåvene mellom anna tinging og oppfølging av dekkelegging, bru/kaivedlikehald og tunneloppgradering. Det er eit mål å syte for best mogeleg og trygg framkomst på fylkesvegane. For å få til det er det viktig med godt samspel mellom vedlikehald, drift og beredskap.
Vi søker etter byggeleiar vegdekke og oppmerking, arbeidstad Leikanger, Førde eller Nordfjordeid.
Arbeidsoppgåver
- Teknisk og økonomisk hovudansvar for gjennomføring og evaluering av kontrakt
- Utarbeiding av konkurransegrunnlag, lyse ut konkurranse og kontrahere.
- Følge opp og rapportere på økonomi, kvalitet, framdrift og HMS på eigne prosjekt
- Koordinere arbeidet med andre faggrupper og etatar
- Ha kontakt med andre myndigheiter, interessegrupper og media
- Vere SHA-koordinator og YM-koordinator med mindre anna er bestemt av prosjektleiar
- Arbeide med konkurransegrunnlag, og oppfølging av gjeldande dekke- og oppmerkingskontraktar
Kvalifikasjonskrav
- Du må ha førarkort klasse B.
- Relevant utdanning frå universitet eller høgskule, minst 3 år. Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet
Ønska kvalifikasjonar
- Det er ein fordel med erfaring med og god fagleg tyngde frå byggeleiing
- Erfaring med vegmerking og asfalt.
- Erfaring med kontraktsutlysing og oppfølging av kontraktar
- Gode kunnskapar i bruk av relevante IKT- verktøy.
- God munnleg og skriftleg framstilling
Personlege eigenskapar
- Du forstår mekanismane og kan løyse utfordringane i eit prosjekt
- Evne til å samarbeide med og handtere grunneigarar, konsulentar, entreprenørar og kollegaer på ein god måte
- Gode personlege eigenskapar som evne til kommunikasjon- og samarbeid vil bli vektlagt
- Du er sjølvstendig og fleksibel med tanke på arbeidsoppgåver
Vi tilbyr
- Ei fagleg utfordrande og spennande stilling med stor samfunnspåverknad
- Eit sterkt og inkluderande fagmiljø
- Spennande oppgåver og gode vilkår for fagleg utvikling
- Gode forsikrings- og pensjonsvilkår
- Fleksibel arbeidstid
Anna informasjon
Administrasjonsmålet i fylkeskommunen er nynorsk.
Alle nytilsetjingar i fylkeskommunen blir gjort med ei prøvetid på 6 månader.
Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.
Spørsmål om stillinga rettast til leiar. Dersom du har spørsmål knytt til søknadsprosessen, kontakt Ruben Nordvik ved HR-avdelinga.
Kontaktinformasjon
Ruben André Nordvik, Fagarbeider, 96943099
Åsmund Andersen Sekse, Leiar, 41242571
Arbeidsstad
6863
Søk på stillinga:Klikk her
Nøkkelinformasjon:
Arbeidsgjevar:Vestland fylkeskommune
Referansenr.:4197408485
Stillingsprosent: 100%
Fast
Søknadsfrist: 15.03.2020
Om arbeidsgiveren
Arbeidsgiver
Avdeling for infrastruktur og veg- Vedlikehald Sør, Vestland fylkeskommune
Adresse
Askedalen 4, 6863 Leikanger
Om stillingen
Antall stillinger
1
Heltid/deltid
Heltid
Sektor
Ikke oppgitt
Sist endret: 16. mars 2020
Hentet fra: webcruiter
Referanse: 4197408485_Avdeling for infrastruktur og veg- Vedlikehald Sør, Vestland fylkeskommune_webcruiter
Stillingsnummer: 046bb694-0269-41f4-8182-797afaaff10d